„ხელისუფლება აგრძელებს სირაქლემას პოზიციაში ყოფნას” - აბესაძე რუსთავი 2-ის საქმესთან დაკავშირებით

პოლიტიკა - 12:10, 07 Mar, 2017

1568

,,მოძრაობა თავისუფლებისთვის-ევროპული საქართველოს’’ წევრი ირაკლი აბესაძე რუსთავი 2-ის საქმეზე ადამიანის უფლებათა დაცვის ევროპული სასამართლოს გადაწყვეტილებაზე აცხადებს, რომ საქმე გვაქვს პოლიტიკურად მართულ პროცესებთან და ხელისუფლება ცდილობს კვლავ საზოგადოებას თვალში ნაცარი შეაყაროს.

,,მთელი ამ ხნის განმავლობაში ჩვენ ვუყურებდით ერთის მხრივ ხელისუფლებას, რომელიც ქართულ საზოგადოებას უმტკიცებდა, რომ საქმე გვქონდა ორ კერძო პირს შორის სამართლებრივ დავასთან და მეორეს მხრივ, ვუყურებთ იმავე ხელისუფლების პანიკურ რეაქციას ადამიანის უფლებათა ევროპული სასამართლოს გადაწყვეტილებაზე, რომელმაც ამხილა მათი პოლიტიკური ზრახვები რუსთავი 2-ის მიმართ და აუკრძალა ხელისუფლებას ნებისმიერი ნაბიჯი, რომელმაც შესაძლებელია გავლენა იქონიოს რუსთავი 2-ის სარედაქციო პოლიტიკის შეცვლაზე. სამწუხაროდ, ხელისუფლება აგრძელებს სირაქლემის პოზიციაში ყოფნას, კვლავ ცდილობენ საზოგადოებას თვალში ნაცარი შეაყარონ და უმტკიცონ, რომ განსაკუთრებული არაფერი ხდება. ეს ყველაფერი რა თქმა უნდა ზეგავლენას ვერ იქონიებს ადამიანის უფლებათა ევროპულ სასამართლოზე, ვინაიდან ქართულ საზოგადოებაში ყველა ნათლად ხედავს, რომ საქმე გვაქვს პოლიტიკურად მართულ პროცესებთან და მიზანთან თავისუფალ მედიასთან მიმართებაში’’- აცხადებს ირაკლი აბესაძე.