ოპოზიცია საკრებულოს სხდომაზე თბილისის მერის მისვლას კიდევ ერთხელ მოითხოვს. ნაციონალური მოძრაობა საკრებულოს იმ გადაწყვეტილების გაუქმებას მოითხოვს, რომლის მიხედვითაც, მოსამართლე ნატა ნაზღაიძის ოჯახს მილიონზე მეტი ღირებულების ქონება გადაეცა.

"ველოდებით, უნდა მოვიდეს დავით ნარმანია, მისი არმოუსვლელობის შემთხვევაში ის არღვევს ორგანულ კანონს, არღვევს საკრებულოს რეგლამენტს, ევროპული ქარტიის ნორმებს და ეს არის თანამდებობრივი უფლება-მოსილების გადამეტების საკითხი. ნაზღაიძე აღმოჩნდა ერთადერთი ადამიანი, რომლისთვისას 5 დღის განმავლობაში ყველანაირი გზა გამონახა, რომ მისთვის კორუფციული გზით გადაეცათ ქონება"- აცხადებს თბილისის საკრებულოს ფრაქცია "ერთიანი ნაციონალური მოძრაობის წევრი მარინე დათუკიშვილი.

ფრაქცია მოძრაობა თავისუფლებისთვის - თბილისის წარმომადგენლები ბავშვთა სამყაროს დაზარალებული მოვაჭრეებისთვის კომპენსაციის გადაცემის საკითხზე საუბრობენ.

"მოთხოვნა იქნება საბიუჯეტო ცვლილების შეტანა თბილისის ბიუჯეტში. მით უმეტეს რომ როცა ბიუჯეტი 17 მილიონით გაიზარდა. გაიზარდოს მერის სარეზერვო ფონდი სამი მილიონი ლარით და სწორედ ამ ადამიანების მინიმალურად დაკმაყოფილება მოხდეს"- აცხადებს მამუკა ახვლედიანი.