პარლამენტის იურიდიული კომიტეტის თავმჯდომარის ეკა ბესელიას თქმით ნაციონალური მოძრაობა ტელეკომპანია „რუსთავი2“-ის სამართლებრივი პროცესის პოლიტიზირებას ცდილობდა და ამავეს აგრძელებს ახლაც. ბესელიას თქმით რ2-ის ხელმძღვანელობა სამიზნე იარაღად ჟურნალისტების ნაწილსაც იყენებდა:

„ეს იყო თავიდან ბოლომდე სამართლებრივი პროცესი რომლის პოლიტიზირებასაც ცდილობდა და ცდილობს ნაციონალური მოძრაობა, სამწუხაროდ იმ ჟურნალისტებზე, რომელიც ამ ტელევიზიაში მუშაობენ, ნაკლებად ფიქრობს ტელევიზიის ის ხელმძღვანელი პირები, რომლებიც ამ ჟურნალისტებს ხშირად სამიზნე იარაღად იყენებდნენ. მე ყველას არ ვგულისხმობ, ვისაც ვგულისხმობ ისინი საკუთარ თავს ამოიცნობენ.“- განაცხადა ეკა ბესელიამ.