"ჩვენი უფლებების დასაცავად მივმართავთ ყველა სამართლებრივ გზას"- ყარამანიშვილი სასამართლოს გადაწყვეტილებას ეხმაურება

პოლიტიკა - 11:33, 03 Mar, 2017

1853

უზენაესი სასამართლოს მიერ რუსთავი2-თან დაკავშირებით მიღებულ გადაწყვეტილებას, რომლის მიხედვითაც ტელეკომპანია ქიბარ ხალვაშს მიაკუთვნეს, ტელეკომპანიის მფლობელი გიორგი ყარამანიშვილი გამოეხმაურა. როგორც ყარამანაშვილმა „რუსთავი2“-ის ეთერში განაცხადა, მას შემდეგ რაც უზენაესმა სასამართლომ ტელეკომპანიის მფლობელებს რუსთავი 2-ის წილებზე საკუთრების უფლება ჩამოართვა, მოსარჩელე მხარე გადაწყვეტილების გასაჩივრებას გეგმავს.

"მთელი საქართველო აკვირდებოდა, რომლებიც ბოლო ორი წლის განმავლობაში მიმდინარეობდა ქართულ სასამართლოში. რუსთავი 2-თან დაკავშირებული პროცესი მთლიანად პოლიტიზირებული იყო. ხელისუფლების მიერ ორ კერძო სუბიექტს შორის მონათლულ პროცესს არანაირი კავშირი არ ჰქონდა რეალობასთან. მაშინ, როდესაც ჩვენ გავხდით მფლობელები, არავითარი სამართლებრივი დავა და პრეტენზიები კომპანიასთან დაკავშირებით არ არსებობდა.

მიუხედავად ამ აბსურდისა, ქართულმა სასამართლომ მაინც მიიღო გადაწყვეტილება, რომელმაც ერთბაშად გაანადგურა საქართველოში სიტყვის თავისუფლების, საკუთრების და სამართლიანი სასამართლოს უფლებები. შეილახა საქართველოს კონსტიტუციით და საერთაშორისო კონვენციებით გარანტირებული ჩვენი უფლებები. ამიტომ, ჩვენი უფლებების დასაცავად მივმართავთ ყველა დარჩენილ სამართლებრივ გზას. მივმართავთ საკონსტიტუციო სასამართლოს, დაუყოვნებლივ განიხილოს ჩვენი სარჩელები. მივმართავთ სტრასბურგის ადამიანთა უფლებების სასამართლოს, სარჩელის შეტანამდე გამოიყენოს დროებითი ღონისძიება და შეაჩეროს უზენაესი სასამართლოს უკანონო გადაწყვეტილება", - გაანცხადა გია ყარამანაშვილმა.