უზენაესი სასამართლოს დიდი პალატა დღეს ტელეკომპანია რუსთავი 2-ის საქმეზე საბოლოო გადაწყვეტილების მიღებასთან მიმართებით იწყებს განხილვებს. სასამართლოს შენობასთან აქცია მიმდინარეობს, „ახალი ერთობა საქართველოსთვის“ ერთ-ერთი დამფუძნებელი მამუკა გამყრელიძე აცხადებს, რომ მედიის ჩახშობა არავითარ შემთვევაში არ შეიძლება:

„ჩემი გამოცდილებიდან, რაც ამ ადამიანის, ბიძინა ივანიშვილის მოღვაწეობა ვიცი რუსეთში, შემდეგ საქართველოში, არაფერი კარგის მოლოდინი არც შეიძლება რომ მქონდეს. ეს ის ადამიანი არ არის, რომელიც დათმობს იმას, რაზეც ერთხელ უკვე იერიში მიიტანა, მეორე საკითხია რამდენად მივცემთ მას ამის საშუალებას, საზოგადოება მაქვს მხედველობაში, რამდენად აღუდგებიან წინ ამ სრულიად გაუაზრებელ ქმედებას, რადგან, ყველამ უნდა იცოდეს, რომ არავითარ შემთხვევაში მედიის ჩახშობა არ შეიძლება“, - განაცხადა მამუკა გამყრელიძემ.