დღეს უზენაესი სასამართლოს დიდი პალატა ტელეკომპანია რუსთავი 2-ის საქმეზე საბოლოო გადაწყვეტილებას გამოიტანს. გადაწყვეტილების გამოტანის შემდეგ, მისი გადაწყვეტილების გასაჩივრება საქართველოში შეუძლებელი იქნება, რადგან უზენაესი სასამართლო ბოლო ინსტრანციაა.

„რუსთავი 2“ 12:30 საათიდან სასამართლოს შენობასთან აქციას „ღია მოკროფონი“ იწყებს.

“რაიმე პროგნოზების გაკეთება ახლა ძალიან რთულია გამომდინარე იქედან თუ რა ეტაპები გაიარა რუსთავი 2-მა მთელი ამ ორი წლის განმავლობაში. შევხედოთ რა გადაწყვეტილებას მიიღებს სასამართლო. მე იმედს ვიტოვებ, რომ დიდ პალატაში აღმოჩნდება მინიმუმ 5 მოსამართლე ისეთი, რომელიც ამ ქვეყნის მომავალზე უარს არ იტყვის და ხელს არ მოაწერს უკანონო გადაწყვეტილებას.

რაც შეეხება აქციებს, ამ ქციის მიზანია კიდევ ერთხელ, უშუალოდ უზენაესი სასამართლოდან შევახსენოთ მოსამართლეებს, თუ რა მნიშვნელობის გადაწყვეტილებას იღებენ ისინი ამ ქვეყნისთვის. ჩვენ ვგეგმავთ ამ აქციას, ჩვენ მოვუწოდებთ ყველას, როგორც სამოქალაქო სექტორს, ასევე პოლიტიკურ სპექტრს, მოსახლეობას, რომ კიდევ ერთხელ დავუდგეთ ერთმანეთს გვერდით იმისათვის, რომ დავიცვათ საბოლოოდ ამ ქვეყანაში სიტყვის თავისუფლება,“-განაცხადა ზაალ უდუმაშვილმა.