"რუსთავი 2"-ს ისევ სჭირდება დაცვა, ერთხელ დავდგეთ სიტყვის თავისუფლების გვერდით"

"რუსთავი 2"-ს ისევ სჭირდება დაცვა, ერთხელ დავდგეთ სიტყვის თავისუფლების გვერდით" - უდუმაშვილი

პოლიტიკა - 18:18, 01 Mar, 2017

3161

"რუსთავი 2"-ის გენერალური დირექტორის მოადგილე ზაალ უდუმაშვილი თანაგუნდელებს გაწეული სამუშაოებისთვის მადლობას უხდის.
როგორც უდუმაშვილმა აღნიშნა, ტელეკომპანიისა და სიტყვის თავიუსფლებას დაცვა ისევ სჭირდება.

"მინდა მოგმართოთ არა როგორც ამ არხის ერთ-ერთმა მენეჯერმა, არამედ რიგითმა ჟურნალისტმა, რომელმაც 14 წელი გაატარა რუსთავი 2-ზე. მე დღეს, როგორც არასდროს ამაყი ვარ რუსთავი 2- ის გუნდით, რომელმაც უთანასწორო ბრძოლაში ეს არხი თავის მხრებით მოიტანა დღევანდელ დღემდე. მინდა მადლობა ვუთხრა ჩემს თითოეულ თანაგუნდელს იმისთვის, რომ არცერთი ნაბიჯით, არ დაიხია უკან. ჩვენ ასე ვაპირებთ გაგრძელებას მომავალშიც. არ მინდა დავიჯერო რომ უზენაეს სასამართლოს დიდ პალატაში ისეთი მოსამართლეების უმრავლესობა მოიძებნება, რომელიც ამ ქვეყნის მომავალს ხაზს გადაუსვამს, იმიტომ რომ ეს გადაწყვეტილება არ არის რუსთავი 2 -ის გადაწყვეტილება, ეს გადაწყვეტილება ჩვენი ქვეყნის მომავალს ეხება"- განაცხადა ზაალ უდუმაშვილმა.

"რუსთავი 2"-ის სახე და ნიკა გვარამიას მოადგილე ხვალ დაგეგმილ აქციასაც შეეხო და აღნიშნა, რომ არხი საგანგებო რეჟიმზე გადადის და ამიტომ უზენაესი სასამართლოს წინ დაგეგმილ აქციაზე ტელეკომპანიის ბევრი წარმომადგენელი ვერ მივა.

"რუსთავი 2 - ს ისევ სჭირდება დაცვა. ეს არის ბოლო ეტაპი იმ გადაწყვეტილების გამოცხადებამდე ძალიან მნიშვნელოვანი იქნება ამ ქვეყნის მომავლისთვის, ამიტომ ყველას მოგიწოდებთ ხვალ კიდევ ერთხელ დავდგეთ, რუსთავი 2"-ისა და სიტყვის თავისუფლების გვერდით"- დასძინა უდუმაშვილმა.