"სუს-ს შეუძლია ერთდროულად რამდენიმე ათას აბონენტს ერთბაშად მოუსმინოს"

"სუს-ს შეუძლია ერთდროულად რამდენიმე ათას აბონენტს ერთბაშად მოუსმინოს" - გიგი უგულავა

პოლიტიკა - 15:48, 01 Mar, 2017

4941

,,მოძრაობა თავისუფლებისთვის-ევროპული საქართველო’’ მოსმენების კანონთან დაკავშირებით ოპოზიციური პარტიების წარმომადგენლებს შეხვდა.

,,ივანიშვილის და სუს-ის დავალებით ,,ქართულმა ოცნებამ’’ მიიღო კანონი, რომელიც აბსოლუტურად უკონტროლოდ აძლევს საშუალებას შემოიხედოს ნებისმიერ საძინებელ ოთახში, ნებისმიერ სახლში, ხაკერულად შეამოწმოს და მოიპაროს ინფორმაცია ნებისმიერი კომპიუტერიდან. რაც მთავარია, ტექნოლოგიების განვითარებასთან ერთად, რაც არ უნდა ცინიკურად ჟღერდეს, ეს შესაძლებლობები ყოველწლიურად ათმაგდება. დღეს სუს-ს შეუძლია ერთდროულად რამდენიმე ათას აბონენტს ერთბაშად მოუსმინოს. ამ კანონით დაემატა ის, რომ რეგიონული იქნება და მოსმენები გამგეობების დონეზეც დავა. პრაქტიკულად, მივიღეთ ორუელის ,,1984’’-ს, სადაც უფროსი ძმა ყველგან იხედება და ყველაფერს ამოწმებს. პარლამენტმა დღეს დაგვანახა, რომ ნოტარიალურ კანტორადაა გადაქცეული, ელემენტარულ წინადადებებს კი თუ დღეს არა, სამომავლოდ მაინც გამჭვირვალობას შეიტანდა ამ სისტემაში ესეთი ცვლილებებიც არ მიიღო. დღეს გავაფორმეთ პოლიციური სუს-ის სახელმწიფო, რომელსაც არავითარი ბალანსი აღარ ექნება. ჩვენი ამოცანაა, რომ ხელი შევუშალოთ ყველანაირად იქნება ეს სარჩელით საპროტესტო აქციებით თუ სხვა გზებით. მთავარია, რომ სრულად ოპოზიციური სპექტრი და არსამათავრობო ორგანიზაციები დარაზმულები ვართ ერთი იდეის გარშემო. თუ ჩვენ ეს გავატარეთ და უკანონობა მივიღეთ, მაშინ ამას ექნება თავისი ფასი და ამ ფასს გადაიხდის თითოეული ჩვენგანი. რაც მთავარია, უმრავლესობის გასაგონად მინდა ვთქვა, პირველ რიგში თქვენ მოგისმენენ და თქვენთან შემოიხედავს თქვენი უფროსი ძმა,’’-განაცხადა გიგი უგულავამ.