საქართველოს ფინანსთა მინისტრის, პირველი ვიცე-პრემიერის განცხადებით, მიუხედავად იმისა, რომ ტელეკომპანია რუსთავი 2 თვიდან თვემდე საბიუჯეტო დავალიანებს იგროვებს, საგადასახადო ხელისუფლებამ, მიიღო გადაწყვეტილება არ გამოიყენოს ის ზომები, რომელთა გამოყენებაც შეუძლიათ:

„სწორედ იმიტომ, რომ ხელისუფლება არ ჩარეულიყო არანაირად ამ დავაში, ჩვენ, როგორც საგადასახადო ხელისუფლებამ, მივიღეთ გადაწყვეტილება, იმის მიუხედავად, რომ „რუსთავი 2” თვიდან თვემდე იგროვებს საბიუჯეტო დავალიანებას, არ გამოგვეყენებინა ის ზომები, რომელთა გამოყენებაც ჩვენ შეგვიძლია. ეს არის ნათელი მაგალითი, როგორ არ ერევა ხელისუფლება აღნიშნულ პროცესში და რამდენად ნეიტრალურ პოზიციას ინარჩუნებს”, - განაცხადა ქუმისშვილმა.