,,ჩქარობს ხელისუფლება, მაგრამ ვჩქარობთ ჩვენც და მზად ვართ დავიცვათ რუსთავი 2“

,,ჩქარობს ხელისუფლება, მაგრამ ვჩქარობთ ჩვენც და მზად ვართ დავიცვათ რუსთავი 2“ - ბაჩუკი ქარდავა

პოლიტიკა - 12:45, 01 Mar, 2017

1605

ტელეკომპანია რუსთავი 2-ისა და სიტყვის თავისუფლების მხარდასაჭერად გაერთიანებულმა 9 პოლიტიკურმა პარტიამ საგანგებო ბრიფინგი გამართა. საუბარი ეხება რუსთავი 2-ის სასამართლო პროცესს. საბჭოს წევრების განცხადებით, ისინი საქართველოში სიტყვის თავისუფლების დასაცავად პერმანენტულ აქციებს იწყებენ.

„ეროვნულ დემოკრატიული პარტიის“ ლიდერის ბაჩუკი ქარდავას განცხადებით, ხელისუფლება ჩქარობს რუსთავი 2-ის საქმის გადაწყვეტას, თუმცა საკოორდინაციო საბჭო მზად არის დაიცვას იგი:

„არა მხოლოდ ხვალ, არამედ მანამ, სანამ არ იქნება მიღებული გადაწყვეტილება რუსთავი 2-თან დაკავშირებით პოზიტიური და დადებითი, ისეთი, როგორიც სურს საზოგადოებას, თავისუფალი სიტყვა, ჩვენ ამ აქციებს არ შევწყვეტთ, იქნება პერმანენტული, შესაძლოა არ იყოს ხალხმრავალი, მაგრამ იქნება ყოველთვის მწვავე, ამას ვპირდებით ხელისუფლებას, რადგან ნამდვილად ვერ შევეგუებით იმას, რომ ნამდვილად მწვავე ტელევიზია საქართველოში იქნას ასე ღიად, საზოგადოების პროტესტის მიუხედავად განადგურებული. ძალიან ბევრი პოლიტიკური ორგანიზაცია შეუერთდება ამ პროცესს, რასაც ჰქვია რუსთავი 2-ის დაცვა, მაგრამ ის, რასაც აკეთებს ხელისუფლება, ის უკან არ იხევს, არის ერთი მიზეზის გამო, ხელისუფლებას გადაწყვეტილი აქვს ქართული სახელმწიფოებრიობის განადგურება, რუსული გეგმა ინტენსიურ და აქტიურ რეჟიმში გადადის, ეს იქნება რკინიგზა თუ სხვადასხვა თემები, ამიტომ, ისეთი ტელევიზია, რომელიც ორიენტირებულია დასავლურ ცივილიზაციაზე და განწყობილია თავისუფალი სიტყვის დასაცავად, განწყობილია ეროვნულ-პატრიოტული მოტივებით, ასეთი ტელევიზია ბუნებრივია ამ ხელისუფლებას არ აწყობს და მისი არსებობის პირობებში ვერ განახორციელებს თავის გეგმას, სწორედ ამიტომ ჩქარობს ხელისუფლება, მაგრამ ვჩქარობთ ჩვენც და მზად ვართ იმისათვის, რომ დავიცვათ რუსთავი 2“, - განაცხადა ბაჩუკი ქარდავამ.