"ივანიშვილის პოლიტიკური ნებაა შეიცვალოს რუსთავი 2-ის სარედაქციო პოლიტიკა"- ირაკლი აბესაძე

პოლიტიკა - 13:06, 28 Feb, 2017

1331

"მოძრაობა თავისუფლებისთვის-ევროპული საქართველოს’’ წევრი ირაკლი აბესაძე რუსთავი 2-ის საქმეზე 2 მარტს ჩანიშნული სასამართლო პროცესის შესახებ აცხადებს, რომ ივანიშვილის და "ქართული ოცნების" პოლიტიკური ნებაა შეიცვალოს ტელევიზიის სარედაქციო პოლიტიკა.

,,რუსთავი 2-ის საქმეზე შერჩეულ მოსამართლეთა შემადგენლობასთან დაკავშირებით ძალიან ბევრი კითხვებია. იყო გარკვეული შოუ დადგმული პროკურატურის მხრიდან თითქოს განხორციელებულ ზეწოლაზე უზენაესი სასამართლოს მოსამართლეების მიმართ. ეს ყველაფერი გვაფიქრებინებს, რომ ,,ქართული ოცნების’’ და ბიძინა ივანიშვილის პოლიტიკური ნება შეიცვალოს რუსთავი 2-ის სარედაქციო პოლიტიკა მისი მფლობელის შეცვლის გზით კვლავ ძალაშია და როგორც ჩანს, უზენაეს სასამართლოზე ახლაც ძალიან ძლიერი წნეხი მიმდინარეობს. პასუხისმგებლობა მთლიანად არის რა თქმა უნდა ივანიშვილზე, თუმცა სასამართლოში მოსამართლე ნინო გვენეტაძეზე, რომელიც ამ საქმის გამხილველი დიდი პალატის თავმჯდომარე გახდა. დიდი იმედი, რომ უზენაეს სასამართლოში სამართლიანი გადაწყვეტილება იქნება მიღებული ჩვენ არ გვაქვს’’-განაცხადა ირაკლი აბესაძემ.