საქართველოს ევროპული დემოკრატების ლიდერი პაატა დავითაია „ნიუპოსტთან“ პოლიტიკურ პარტიათა და საზოგადოებრივ მოძრაობათა საკოორდინაციო საბჭოს მიერ დღეს გაფორმებულ მანიფესტზე საუბრობს. მისი თქმით დღეს თავისუფალ სიტყვასთან ერთად მედიისა და სიტყვის თავისუფლებაც დასაცავია.

„ჩვენ ვხედავთ იმას, რომ ხელისუფლება აგრძელებს ზეწოლას რუსთავი 2-ის მიმართ, ის აქტიურად ებრძვის პრეზიდენტის ინსტიტუტსაც, დემოკრატიულ ინსტიტუტებს ექმნება საფრთხე, საქართველოს რუსული ძალები ძალიან გაძლიერდნენ, აქედან გამომდინარე ჩვენ გადავწყვიტეთ გამოვიდეთ ინიციატივით შეიქმნას მანიფესტი, რომელსაც საკოორდინაციო საბჭოს წარმომადგენლები მოაწერენ ხელს და ეს მანიფესტი იქნება ღია ყველა პოლიტიკური პარტიისთვის. ჩვენ უნდა ვიმოქმედოთ ერთიან სისტემაში და ეს მოქმედება უნდა იყოს მკაცრი ხელისუფლების წინააღმდეგ, რომელიც ქვეყნის დემოკრატიულ ინსტიტუტებს ებრძვის, ჩვენ ყველაფერი უნდა გავაკეთოთ და დავიცვათ ეს ინსტიტუტები“, - განაცხადა პაატა დავითაიამ.

კითხვაზე რა ღონისძიებებია დაგეგმილი მიმდინარე წლის 2 მარტს, როცა უზენაეს სასამართლოში რუსთავი 2-ის სასამართლო პროცესია ჩანიშნული, დავითაიამ აღნიშნა, რომ იმ ღონისძებებზე, რაც დაგეგმილია ამ დღეს, მსჯელობა დღევანდელ შეხვედრაზე გაიმართება.