საქართველოსთვის უვიზო მიმოსვლის ასამოქმედებლად საბოლოო გადაწყვეტილებას ბრიუსელში დღეს მიიღებენ.

დღესვე დროებითი შეჩერების მექანიზმზე, ევროკავშირის წევრი ქვეყნების ენერგეტიკისა და ტრანსპორტის მინისტრების სხდომაზე იმსჯელებენ.

გადაწყვეტილებას ევროპარლამენტის პირველ მარტს მოეწერება ხელი.

მარტის ბოლოდან კი, საქართველოს მოქალაქეები უვიზოდ შეძლებენ შენგენის ზონაში გადაადგილებას.

"ხელის მოწერიდან დაახლოებით ერთ-ორ კვირაში, ჯერ ცნობილი არ არის, მოხდება ამ გადაწყვეტილების, ასე ვთქვათ კანონში ცვლილების გამოქვეყნება ოფიციალურ ჟურნალში. ამ დროიდან, როდესაც გამოქვეყნდება, 20 დღეში გადაწყვეტილება შედის ძალაში," - განმარტა საგანგებო და სრულუფლებიანი ელჩი ბელგიასა და ლუქსემბურგში, მუდმივი წარმომადგენელი ევროკავშირში ნატალი საბანაძემ.