„საქართველოში თითოეული ადამიანის უსაფრთხოება მაქსიმალურად დაცულია“ - ლევან იზორია ქართველი სამხედროების მონაცემების გადაცემაზე

პოლიტიკა - 12:46, 26 Feb, 2017

2520

ოკუპირებული ცხინვალის რეგიონის გენერალური პროკურორის მიერ 2008 წლის რუსეთ-საქართველოს ომის მონაწილე ქართველი ძალოვანების მონაცემების რუსეთის პროკურატუსრისთვის გადაგზავნას საქართველოს თავდაცვის მნისტრი გამოეხმაურა. ლევან იზორია აცხადებს, რომ საქართველოში ყველა მოქალაქის უსაფრთხოება დაცულია.

„დღეს საქართველოში თითოეული ადამიანის უსაფრთხოება არის მაქსიმალურად დაცული. საქართველო ყველა საერთაშორისო ორგანიზაციის თუ სახელმწიფოს აღიარებით არის ერთ-ერთი ყველაზე უსაფრთხო ქვეყანა და ჩვენ, ბუნებრივია, ამ მიმართულებით მუშაობას გავაგრძელებთ. ეს არ არის წყალობის შედეგი, ეს არის ყოველდღიური, 24 საათიანი მუშაობის შედეგი ყველა იმ სამსახურის, რომელის უსაფრთხოება არ ის თითოეული მოქალაქის და ქვეყნის უსაფრთხოება,“ - განაცხადა ლევან იზორიამ.

ოკუპირებული სამხრეთ ოსეთის გენერალურმა პროკურორმა, ურუზმაგ ჯაგაევმა, 2008 წლის რუსეთ-საქართველოს ომში მონაწილე ქართველი ძალოვნების სიას რუსეთის პროკურატურას გაუგზავნა.

ურუზმაგ ჯაგაევმა 23 თებერვალს გამართულ პრესკონფერენციაზე ისიც განაცხადა, რომ 2008 წლის რუსეთ-საქართველოს ომში მონაწილე ქართველი ძალოვნების სია მალე გაიზრდება და მისმა რაოდენობამ შესაძლოა, 500-ს გადააჭარბოს.

პრეზიდენტის ადმინისტრაციაში ნებისმიერი ქართველი სამხედრო რუსეთის ფედერაციისთვის გადაცემას გამორიცხავენ. უშიშროების საბჭოში ხაზგასმით აღნიშნავენ, რომ საქართველომ მოქმედი თუ ყოფილი ძალოვნები უნდა დაიცვას.