„ხვალ, 26 თებერვალს, თბილისის დროით 18:58 საათზე მზის რგოლური დაბნელება იქნება“ - ამბობს ასტროლოგი რამაზ გიგაური და სხვა სიახლეებთან ერთად ჰარმონიულ და დისჰარმონიულ პერიოდზე საუბრობს.

რამაზ გიგაური: „მზის ეს დაბნელება დაიწყება სამხრეთ ამერიკის აღმოსავლეთით, გადაივლის ატლანტის ოკეანეს და აფრიკის დასავლეთ ნაწილში დასრულდება.
დაბნელება თევზების ზოდიაქოს პირველ დეკადაში მოხდება. ასტროლოგიური ტრაქტატების მიხედვით ეს დაბნელება უკავშირდება მდინარეებს, ზღვებს და ყველა საქმეს, რაც წყალს უკავშირდება. ამ კუთხით მოსალოდნელია გართულებები (მოიმატებს სითხეებთან დაკავშირებული პრობლემები).
26 თებერვალს არ არის რეკომენდებული ალკოჰოლის მიღება, ასევე სიფრთხილის გამოჩენა იქნებაა საჭირო ფსიქოტროპულ მედიკამენტებთან დაკავშირებით.
ინდივიდუალურ დონეზე მზის ეს დაბნელება მხოლოდ ადამიანებზე მოახდენს გავლენას, რომლებიც დაბადებულები არიან 25, 26, 27 თებერვალს, 30, 31 ივლისს და 1 სექტემბერს. ამ ადამიანებს მოსალოდნელია წინაღობები შეექმნათ იმ სფეროებში, რომლებზეც მათ პირად ჰოროსკოპში ნატალური მზე მიუთითებს.
ზოგადად, 19-25 თებერვლის დისჰარმონიული პერიოდი გაივლის და 27 თებერვლიდან 15 მარტამდე შედარებით ჰარმონიული პერიოდი იქნება (შემდეგ უკვე ყურადღების გამოჩენა იქნება საჭირო 15-25 მარტის შუალედში, როდესაც სასიცოცხლო ენერგეტიკა დაიკლებს).
გისურვებთ სიმშვიდეს, სიკეთეს და ჰარმონიას!“