ლარსის ალტერნატივა- რაზე შეთანხმდნენ სომხეთის და საქართველოს პრემიერები

პოლიტიკა - 10:48, 25 Feb, 2017

9424

სომხეთის პრემიერ-მინისტრი კარენ კარაპეტიანი თბილისში ვიზიტის ფარგლებში საქართველოს პრემიერ გიორგი კვირიკაშვილს ზემო ლარსის ალტერნატივის საკითხზე მოელაპარაკა. სომხური მედიის ინფორმაციით, განცხადება ამის შესახებ კარაპეტიანმა ჟურნალისტებთან გააკეთა.

„თუ თქვენ გაინტერესებთმ იქნება თუ არა ლარსის ალტერნატივა, მე გარწმუნებთ, რომ დიახ ნამდვილად იქნება. დანარჩენზე შემდეგში ვილაპარაკოთ, ჯერჯერობით მე ფერჩხილებს ბოლომდე არ გავხსნი. ჩვენ მოვილაპარაკეთ როგორც ლარსზე, ასევე ენერგეტიკულ დერეფანზეც“- განაცხადა კარაპეტიანმა.

სომხეთის პრემიერმა საქართველოში ვიზიტს ნაყოფიერი, გულითადი და კონსტრუქციული უწოდა. მიაი თქმით მან სრულად შეასრულა ის დღის წესრიგი, რომლითაც ის სომხეთიდან ჩამოვიდა. კარაპეტიანის განცხადებით მხარეები მივიდნენ შეთანხმებამდე, რომ სომხურ-ქართული ურთიერთობა აუცილებელია განხილული იქნეს რეგიონალურ კონტექსტში, ორი ქვეყნის შესაძლებლობების გათვალისწინებით.

„ის ურთიერთობის გამოცდილება, რომელიც ჩვენ გაგვაჩნია, აუცილებელია რომ შენარჩუნდეს და გადაეცეთ შემდეგ თაობებს. დღეს ჩვენ დარწმუნებულები არ ვართ, რომ ისინიც იგივე ურთიერთობებს შეინარჩუნებენ. ამიტომ ჩვენ ამისთვის ძალისხმევა არ უნდა დავიშუროთ“- განაცხადა კარაპეტიანმა.

კონკრეტულად რა შეთანხმებას მიაღწიეს ამ საკითხთან დაკავშირებით და რა იგულისხმება ზემო ლარსის ალტერნატივაში, ამაზე ინფორმაცია არც საქართველოს მთავრობას არ გაუვრცელებია.