საქართველოს კათოლიკოს პატრიარქის პირადი დაცვის უფროსი სოსო ოხანაშვილი საპატრიარქოში მივიდა. მას ჟურნალისტებისთვის კომენტარი არ გაუკეთებია.

შეგახსენებთ, რომ პატრიარქის პრეს-მდივანსა მამა მიქაელ ბოტკოველსა და სოსო ოხანაშვილს შორის გარკვეულ დაპირისპირებას აქვს ადგილი. გუშინ მამა მიქაელმა განაცხადა, რომ ოხანაშვილი პატრიარქის გერმანიიდან დაბრუნების შემდეგ საპატრიარქოში არ უნახავს, რის გამოც ოხანაშვილმა ბოტკოველს სიცრუეში დასდო ბრალი.

მოგვიანებით ცნობილი გახდა, რომ დეკანოზმა მიქაელ ბოტკოველმა თანამდებობა დატოვა. დღეს კი გავრცელდა ინფორმაცია იმის შესახებ, რომ ოხანაშვილსა და ბოტკოველს შორის ფიზიკურ დაპირისპირებას ჰქონდა ადგილი. აღნიშნულს თავად ბოტკოველი და საპატრიარქოს წარმომადგენლები უარყოფენ.