დღეს გავრცელებულ ინფორმაციას იმის შესახებ, რომ სოსო ოხანაშვილსა და მამა მიქაელ ბოტკოველს შორის ფიზიკური დაპირისპირება მოხდა, საპატრიარქოს წარმომადგენლები უარყოფენ. ამის შესახებ კომენტარი ჟურნალისტებთან საუბრისას მამა კახაბერ გოგოტიშვილმა გააკეთა:

„არავიტარი ფიზიკური დაპირისპირება არ ყოფილა, ისინი საერთოდ არ შეხვედრიან ერთმანეთს“, - აღნიშნა მამა კახაბერმა.

სასულიერო პირმა ასევე აღნიშნა, რომ დღის მეორე ნახევარში დაინიშნება საპატრიარქოს ოფიციალური წარმომადგენელი, რომელიც პრესასთან ურთიერთობის საკითხებს უზრუნველყოფს, დეკანოზი მიქაელ ბოტკოველი კი პრეს-მდივნის თანამდებობაზე მანამ დარჩება, სანამ პატრიარქი არ მიიღებს მისი გადადგომის გადაწყვეტილებას:

„დღის მეორე ნახევარში გადაწყვდება ერთი პიროვნების შესახებ, რომელიც პრესასთან მიმართებით უზრუნველყოფს ყოველივეს. მდივნის პოზიციაზე არ არის საუბარი, იქნება პიროვენბა, რომელიც პრესასთან ურთიერთობის საკითხს უზრუნველყოფს, მდივნის პოზიციაზე არავთარი გადაწყვეტილება არ მიუღია პატრიარქს, შესაბამისად მამა მიქაელ ბოტკოველი პატრიარქის მდივნად ითვლება, როცა მიირებს პატრიარქი ამ გადაწყვეტილებას ამის შესახებ გეცოდინებათ. ვერ ვიტყვი ვერაფერს სოსო ოხანაშვილის ტანამდებობაზე დარჩენის შესახებ“, - განაცხადა მამა კახაბერ გოგოტიშვილმა.