ე.წ. მოსმენების შესახებ კანონპროექტს პრეზიდენტის ადმინისტრაციაში უარყოფითად აფასებენ. პრეზიდენტის საპარლამენტო მდივანი ანა დოლიძე აცხადებს, რომ პარლამენტში დასამტკიცებლად წარდგენილი მოდელი საკონსტიტუციო სასამართლოს გადაწყვეტილებას ეწინააღმდეგება.

„თუ ჩვენ ვიღებთ უწყებას, სადაც ძირეულ და შინაარსობრივ კონტროლს მაინც განახორციელებს უსაფრთხოების სამსახური, მაშინ ეს არ იქნება უწყება, რომელიც იქნება შინაარსობრივად და ნამდვილად დამოუკიდებელი. ეს პრობლემა არის საკონსტიტუციო სასამართლოს გადაწყვეტილებასთან მიმართებაში, თუმცა არის რამდენიმე საკითხი, სააგენტოს უფლებამოსილება, რომელიც ძალიან დიდია და რომელიც არ შეიძლება, რომ დარჩეს ისეთი ვერსიით, რომელი ვერსიითაც ის არის დღეს წარმოდგენილია პარლამენტში,“ - განაცხადა ანა დოლიძემ.