ადვოკატებმა სინოდის წევრებს სრული ინფორმაცია მიაწოდეს - ,,აზრთა სხვადასხვაობა არ მომისმენია“

პოლიტიკა - 15:14, 23 Feb, 2017

5762

მკვლელობის მომზადებაში ბრალდებული სასულიერო პირის ადვოკატებმა საპატრიარფქოში , წმინდა სინოდის წევრებთან შეხვედრა გამართეს. მამა გიორგი მამალაძის უფლებადამცეველების თქმით მათ წმინდა სინოდის წარმომადგენლებს დეტალური ინფორმაცია მიაწოდეს „ციანიდის საქმის“ შესახებ. ადვოკატ მიხეილ რამიშვილის თქმით შეხვედრას კათოლიკოს-პატრიარქი არ დასწრებია.

„ჩვენ აბსოლუტურად დეტალურად ვესუბრეთ და მივეცით ინფორმაცია იმის თაობაზე რაშია საქმე. ეს განპირობებულია იმით, რომ სინოდის წევრებს ჩვენებასთან დაკავშირებით ძალიან ბევრი კითხვები ჰქონდათ. მამა გიორგი ჩვენებას აძლევს იმ ბრალთან დაკავშირებით, რაც წაუყენეს, ეს ბრალი არის აბსოლუტურად უკანონო, არ ექვემდებარება არანაირ კანონიერებას და ის არის უდანაშაულო ამ საქმესთან დაკავშირებით. სინოდის წევრებს გარკვეულ გარემოებებთან დაკავშირებით ქონდათ კითხვები, რაზეც ჩვენ დეტალურად მივაწოდეთ ინფორმაცია. ეს ინფორმაცია ცნობილი გახდება საგამოძიებო ორგანოებისთვის პირველ რიგში, შემდეგ კი საზოგადოებისთვისაც. საუბრის მიმდინაროების და დასრულების დროს მე აზრთა სხვადასხვაობა არ მომისმენია.“- ამბობს მიხეილ რამიშვილი. მისი თქმით, სინოდის წევრები მამა გიორგი მამალაძესთან შეხვედრას არ გეგმავენ,

ადვოკატ გიორგი ფანცულაიას თქმით, პროკურატურას აქამდეც ჰქონდა საშუალება დაკავებული დეკანოზი დაეკითხათ, თუმცა საგამოძიებო ორგანომ ეს აქამდე არ გააკეთა:

„არაეთიკური იქნება ჩემგან იმ ინფორმაციის გავრცელება თუ ვინ ესწრებოდა შეხვედრას, თუ ამის შესახებ პოზიციის დაფიქსირებას გადაწყვეტს საპატრიარქო , ისინი თავად გადაწყვეტენ განცხადების გაკეთებას. აქედან მივდივართ პროკურატურაში და შეგვაქვს განცხადება მამა გიორგის დაკითხვასთან დაკავშირებით. პროკურატურას დაკითხვის საშუალება ჩვენი განცხადების გარეშეც ქონდათ, მაგრამ ჩვენ მათგან განსხვავებით სატელევიზიო პინგ-პონგის არ გვქონდა, ელემენტარულად ვიცავთ ფორმებს და წერილობით მივმართავთ.“- განაცხადა გიორგი ფანცულაიამ.