ერთი თვე სახელმწიფომ, პრობლემის მიჩუმათების გარდა არაფერი გააკეთა

ერთი თვე სახელმწიფომ, პრობლემის მიჩუმათების გარდა არაფერი გააკეთა - შაშკინი კონგოში დატყვევებულ სამხედროზე

პოლიტიკა - 13:28, 23 Feb, 2017

2673

მილიონ დოლარს ითხოვენ კონგოელი მეამბოხეები ქართველი სამხედო მფრინავის გასათავისუფლებლად, სოსო ოსურაული ერთი თვეა ტყვეობაშია.

ქართველი მფრინავი სოსო ოსურაული საქართველოს შეიარაღებულ ძალებში მსახურობდა, თუმცა იგი თავდაცვის უწყებიდან საკუთარი განცხადების საფუძველზე ორჯერ იქნა დათხოვილი.

აღნიშნულ საკითხს „ნიუპოსტთან“ საუბრისას საქართველოს თავდაცვის ყოფილი მინისტრის დიმიტრი შაშკინი აფასებს:

„კონგოში არის დაახლოებით 10-ზე მეტი ჩვენი მფრინავი, რომლებიც იქ მუშაობენ, დაახლოებით ერთი თვე გავიდა მას შემდეგ, რაც ტყვედ ჩავარდნენ, ერთი თვეა სახელმწიფო აკეთებს ყველაფერს იმისათვის, რომ ვერ დავინახოთ ეს პრობლემა, ესენი არიან ჩვენი მოქალაქეები, რომლებიც კონგოში მუშაობით თავიანთ ოჯახებს ინახავენ, მესმის, რომ ისინი არ არიან საქართველოს შეიარაღებული ძალების მოქმედი სამხედროები, მაგარმ ისინი არიან საქართველოს მოქალაქეები და სახელმწიფომ ყველაფერი უნდა გააკეთოს იმისათვის, რომ ეს ხალხი საქართველოში დააბრუნოს.

მიხეილ სააკაშილის პრეზიდენტობის დროს ჩვენი მეზღვაურები ტყვეობაში მოხვდნენ, სახელმწიფომ გააკეთა ყველაფერი იმისათვის, რომ მათ დახმარებოდა. პრეზიდენტის თვითმფრინავიც გაფრინდა მათ ჩამოსაყვანად, სახელმწიფომ შეაგროვა ფული ბიზნესმენებში, რომ საქართველოს მოქალაქეები ყოფილიყვნენ უსაფრთხოდ. ერთი თვე გავიდა და გარდა იმისა, რომ სახელმწიფო ამ პრობლემის მიჩუმებას ცდილობს, სხვას არაფერს აკეთებს. არგუმენტი არ არის ის, რომ ეს ადამიანები სახელმწიფოს მოქმედი სამხედროები არ არიან. ისინი არიან საქართველოს მოქალაქეები და ქვეყანა მაშინ არის ქვეყანა, როდესაც ის თითოეულ მოქალაქეზე ზრუნავს, განსაკუთრებით გასაჭირის დროს“, - აცხადებს დიმიტრი შაშკინი.