მილიონ დოლარს ითხოვენ კონგოელი მეამბოხეები ქართველი სამხედო მფრინავის გასათავისუფლებლად, სოსო ოსურაული ერთი თვეა ტყვეობაშია.

კონგოს სამხედრო-საჰაერო ძალების ორი შვეულმფრენი მეამბოხეებმა 27 იანვარს ჩამოაგდეს. ერთ-ერთს სწორედ სოსო ოსურაული მართავდა. აღნიშნულის შესახებ ინფორმაციას არ ფლობენ საპარლამენტო უმრავლესობაში. კობა ნარცემაშვილის განცხადები, სახელმწიფოს კონსტიტუციური ვალდებულებაა იზრუნოს ქვეყნის თითოეულ მოქალაქეზე:

„დავინტერესდები ამ საკითხით, არ აქვს მნიშვნელობა საქართველოს მოქალაქე სად არის, ჩვენ, ხელისუფლებას და სახელმწიფოს გვაქვს ვალდებულება, ნებისმიერ ჩვენს მოქალაქეზე, არის ის სახედრო მოსამსახურე, ყოფილი, ამჟამინდელი, მოქმედი, არ აქვს მნიშვნელობა, საქართველოს ნებისმიერ მოქალაქეზე განვახორციელოთ ზრუნვა, ეს ჩვენი კონსტიტუციური ვალდებულებაა“ - განაცხადა კობა ნარჩემაშვილმა.