ქართველი სამხედრო მფრინავის სანაცვლოდ კონგოელი მეამბოხეები მილიონ დოლარს ითხოვენ

პოლიტიკა - 09:23, 23 Feb, 2017

15123

მილიონ დოლარს ითხოვენ კონგოელი მეამბოხეები ქართველი სამხედო მფრინავის გასათავისუფლებლად, სოსო ოსურაული ერთი თვეა ტყვეობაშია.

კონგოს სამხედრო-საჰაერო ძალების ორი შვეულმფრენი მეამბოხეებმა 27 იანვარს ჩამოაგდეს. ერთ-ერთს სწორედ სოსო ოსურაული მართავდა.

თავდაცვის უწყბეაში განმარტავენ, რომ ოსურაული არ არის მათ მიერ წარგზავნილი ამ ქვეყანაში. ამ თემაზე არაფერს ამბობენ არც საგარეო საქმეთა სამინისტროში. უცნობია, ჩართულია თუ არ აუწყება ქართელი სამხედროს გათავისუფლების საქმეში.

სოსო ოსურაულის ოჯახისთვის ცნობლია, დეტალებზე ვერ საუბრობენ, თუმცა ოჯახის თქმით, ქართველი სამხედრო ორი წლის წინ წავიდა და ოჯახს პერიოდულად ეხმაურებოდა.

ახმეტის მინუციპალიტეტის გამგებელი გიორგი გოგოტიძე ამბობს, რომ მათ ინფორმაცია ოჯახის წევრებისგან მიიღეს, თუმცა დეტალები ადგიობრივი ხელისუფლების წარმომადგენლისთვის უცნობია.

კონგოს დემოკრატიული რესპუბლიკის აღმოსავლეთ ნაწილში, მთაგორიან რაიონში, 27 იანვარს ამ ქვეყნის ორმა Ми-24 ტიპის დამრტყმელმა შვეულმფრენმა ავარია განიცადა.

ბელგიისა და სამხრეთ აფრიკის რესპუბლიკის მასმედიის მიერ გავრცელებული ინფორმაციის თანახმად, 27 იანვრის დილას კონგოს სამხედრო-საჰაერო ძალების ორი დამრტყმელი შვეულმფრენი ჩრდილოეთ კივუს პროვინციაში გაფრინდა მეამბოხეთა ჯგუფის აღმოსაჩენად.

როგორც გაირკვა შვეულმფრენების ეკიპაჟებში ბელორუსები და ქართველები იყვნენ.

სამხრეთაფრიკული წყაროს თანახმად, 27 იანვრის საღამოს ორმა საძიებო შვეულმფრენმა, რომლებიც კონგოს დემოკრატიულ რესპუბლიკაში გაეროს მანდატით მოქმედ სამხრეთაფრიკულ სამშვიდობო ძალებს (MONUSCO) ეკუთვნოდნენ, ავარიის ადგილიდან ის ხუთი დაზარალებული გაიყვანა, რომლებიც "ბელორუსულ" შვეულმფრენში ისხდნენ.

იმავე სამხრეთაფრიკული წყაროს მტკიცებით, მეორე შვეულმფრენში მსხდომი ოთხი კაცი მეამბოხეებმა ტყვედ აიყვანეს და თითქოს მეორე დღეს დახვრიტეს.

თუმცა როგორც შემდგომ გაირკვა, ამ შვეულმფრენის ქართველი პილოტი ცოცხალი იყო და ამბოხებულებს ტყვედ ჰყავდათ.