სტრასბურგის სასამართლოში საქართველოდან წარსადგენი მოსამართლეების შესარჩევი კონკურსი გამოცხადდა. მსურველებიდან სამ კანდიდატს სპეციალური სამთავრობო კომისია შეარჩევს, შემდეგ კი ამ სამი კანდიდატიდან ადამიანის უფლებათა ევროპული სასამართლოს მოსამართლედ ევროპის საბჭოს საპარლამენტო ასამბლეა დაამტკიცებს.

ჯერჯერობით უცნობია, მიიღებენ თუ არა ახალ კონკურსში ევროსასამართლოს სპეციალური კომიტეტის მიერ დაწუნებული კანდიდატები მონაწილეობას.

„სამწუხაროდ არავითარი დრო არ მაქვს რომ ამაზე მეფიქრა და შესაბამისად არ მიფიქრია. ეს კონკურსი უნდა ითვალისწინებდეს და ექვემდებარებოდეს გარკვეულ პრინციპებს და ეს პრინციპები არის გამჭვირვალობა, არადისკრიმინაციულობა, სამართლიანობა. ჩვენ ამ კონკურსთან მიმართებაში პრობლემები გვქონდა სწორედ იმიტომ, რომ ასეთი პრინციპების მიხედვით არ იყვნენ შერჩეული ეს კანდიდატები,“-განაცხადა ანა დოლიძემ.