საქართველოს პარლამენტის თავმჯდომარე „ვროპული საქართველოს“ მოთხოვნას მთავარი პროკურორის თანამდებობიდან გადაყენების შესახებ ეხმაურება. ირაკლი კობახიძე მიიჩნევს, რომ ირაკლი შოთაძის გადადგომის მოთხოვნა შეცდომაა და ოპოზიცია ჩქარობს:

„ოპოზიცია ჩქარობს ციანიდის საქმესთან დაკავშირებით და ამ სიჩქარეში უშვებს შეცდომებს. მათ შორის შეცდომაა ის, რომ ოპოზიციამ დააყენა მთავარი პროკურორის გადადგომის მოთხოვნა. ისინი რომ იყვნენ გარკვეული გამოძიების დეტალებში, დარწმუნებული ვარ, რომ ასეთ მოთხოვნას არ დააყენებდა. რა ფორმით გაკეთდება ეს კონკრეტული მასალები, ვიდეოკადრები თუ სხვა რამ გასაჯაროვდება, ეს არის დეტალები. ჩვენთვის მთავარია გაირკვეს სიმართლე,“-განაცხადა ირაკლი კობახიძემ.