ბათუმში ღამის კლუბ "არენაში" გაჩენილი ცეცხლის შედეგად ახალგაზრდა ქალი გარდაიცვალა, ოთხი ადამიანი კი დაშავდა.

ორი დაშავებულის მდგომარეობა კრიტიკულია. მათ მეორე-მესამე ხარისხის დამწვრობები აღენიშნებათ და რეანიმაციულ განყოფილებაშია არიან მოთავსებულები.

შემთხვევა დაახლოებით ღამის პირველ საათზე მოხდა, რა დროსაც იქ თვითმხილველების თქმით 30-მდე ადამიანი იმყოფებოდა.

როგორც "ნიუპოსტს" შს სამინისტროში უთხრეს, გამოძიება სისხლის სამართლის კოდექსის 187-ე მუხლის მე-3 ნაწილით არის დაწყებული, რაც გულისხმობს ნივთის დაზიანებას ან განადგურებას, ჩადენილს ცეცხლის წაკიდებით, აფეთქებით ან სხვა საყოველთაოდ საშიში საშუალებით, რამაც გაუფრთხილებლობით გამოიწვია ადამიანის სიცოცხლის მოსპობა ან სხვა მძიმე შედეგი.