საზოგადოებრივი მაუწყებლის ირგვლივ დებატები გარკვეულ კითხვებს აჩენს

საზოგადოებრივი მაუწყებლის ირგვლივ დებატები გარკვეულ კითხვებს აჩენს - პრეზიდენტი

პოლიტიკა - 22:58, 21 Feb, 2017

1341

საქართველოს პრეზიდენტის განცხადებით, „მუჩნდება უსიამოვნო განცდა, რომ ფაქტობრივად ყველა არხი სტრესის რეჟიმშია.

მისი თქმით, "არაერთი კარგი გადაცემა დაიხურა გარკვეული მიზეზების გამო".

გიორგი მარგველაშვილი საზოგადოებრივ მაუწყებელზე განვითარებულ პროცესებს შეეხო.

„ეს ფონი თავისთავად არ არის კარგი არავისთვის. ამ ფონზე მიმდინარე საზოგადოებრივი მაუწყებლის ირგვლივ დებატებიც ამ კონტექსტში და ამ გარემოში, ბუნებრივია, გარკვეულ კითხვებს აჩენს,“ - განაცხადა გიორგი მარგველაშვილმა.

მისი თქმით, საზოგადოებრივი მაუწყებლის ბორდის წევრებს აქვთ ნათელი ხედვა, თუ როგორ უნდა განვითარდეს არხი.

საზოგადოებრივი მაუწყებლის სამეთვალყურეო საბჭოს წევრებმა პირველივე შეხვედრაზე მითხრეს, რომ აპირებენ პროცესის გახსნას და ეს ასეც მოხდა. ეს არის ძალიან მნიშვნელოვანი, რომ საბჭომ გახსნა ეს პროცესი და ამ პროცესში ახლა ყველა მონაწილეობს. მე მიხარია, რომ არა მარტო ჟურნალისტები, ექსპერტები და საზოგადოება ჩაერთო დისკუსიაში. ეს უკვე ჯანმრთელი პროცესია. იმედია ასეთ სირთულეებს გადავლახავთ ამ ჩართულობით. საზოგადოებრივი მაუწყებელი არის ჩემი, თქვენი, საქართველოს მოსახლეობის ჯიბიდან დაფინანსებული ტელევიზია, ტელევიზია, რომელიც სახელმწიფოსთვის მნიშვნელოვანია ბევრი თვალსაზრისით. იმედი მაქვს, რომ ღიაობას და განხილვებს მოჰყვება შედეგი, ყოველ შემთხვევაში, პირველი სტრესული ინფორმაცია, რომ დღეის იქით ყველაფერი იხურება, შეიცვალა დიალოგის რეჟიმით და მე მივესალმები ამას“, - განაცხადა გიორგი მარგველაშვილმა.