გიორგი მარგველაშვილი მხადყოფნას გამოთქვამს, რომ თუ უზენაესი სასამრთლოს მოასამართლეებს დამოუკიდებლობა ეზღუდებათ, იგი მათ შეხვდება და ამ საკითხებზე გაესაუბრება.

მეტის პრეზიდენტის თქმით, ის მოსამართლეებს ზეწოლისგან დაიცავს.

"სასამართლოსთან მიმართებაში არაერთხელ დამიფიქსირებია ჩემი ჩართულობის, ზრუნვის, დარდის პოზიცია. იქიდან გამომდინარე რომ სასამართლო სისტემას, რომელიც ერთ-ერთი რთული სისტემაა, განსავითარებლად, დასახვეწად, ბევრი წლების განმავლობაში სერიოზული ზიანი მიადგა. დამოუკიდებელ ისტორიაში ჩვენ ვერ ვიტყვით, რომ არსებობდა ოქროს ხანა ქართული სასამართლოსი, სადაც სასამართლოს ფუნქციონირება იყო იდეალური. ყოველთვის ვცდილობდი და ახლაც ვცდილობ ჩემი კომპეტენციის ფარგლებში დავეხმარო სასამართლოს გაძლიერებაში. არაერთხელ დამიფიქსირებია ჩემი მხარდაჭერა მოსამართლეების მიმართ. ღიად და პირადი ურთიერთობის ფონზე არაერთხელ მითქვამს, რომ თუ რომელიმე მოსამართლეს რაიმე სირთულე აქვს თავისი პოზიციის დაფიქსირების ნაწილში, თუ რომელიმე მათგანს უბედავს ძლიერი ამაქვეყნისა, რომ არ დატოვოს ის მარტო თავის სინდისთან, როცა ის გადაწყვეტილებას იღებს, მზად ბარ ამ პოლემიკაში ჩავერთო ძალიან მწვავედ"- განაცხადა მარგველაშვილმა.

მისი თქმით, მისი ბოლო ვეტო, სწორედ აღნიშნულ პრინციპიდან გამომდინარე გამოიყენა, რაც წარმატებით იქნა დაძლეული უმრავლესობის მხრიდან.

"მე ნათლად გიფიქსირებთ, ჩემ სურვილს რომ ჩვენ ძლიერი სასამართლო გვქონდეს, მეტიც გიფიქსირებთ ჩემს მზაობას ნებისმიერ მოსამართლესთან მიმართებაში, რომ თუ ისინი იქნებიან ხელისუფლების ან ძლიერთა ამა ქვეყნისათა მხრიდან ზეწოლის ან იძულების ობიექტი ვიყო მათი მხარდამჭერი"- აღნიშნა პრეზიდენტმა.

არჩევანის წამყვანი, "რუსთავი 2"-ის საქმის განმხილველი კოლეგიის დაკომპლექტების შესახებ პრეზიდენტის პოზიციით დაინტერესდა, თუმცა მარგველაშვილის თქმით მიმდინარე სასამართლო პროცესზე ის კომენტარს არ გააკეთებს.

"ეს არის კრიტიკული მედია, ცდილობთ პასუხი მიიღოთ, თუმცა მიმდინარე პროცესთან დაკავშირებით არ გაგცემთ"-აღნიშნა ქვეყნის პირველმა პირმა. ჟურნალისტმა პრეზიდენტს მოსამართლე ნაზღაიძის სკანდალზეც ჰქკითცა.

პრეზიდენტმა კი ნაზღაიძესა და მისი ოჯახისთვის ბიუჯეტიდან მილიონის გადარიცხვის თაობაზე საუბარი არ ისურვა.

თუმცა აღნიშნა, რომ ნებისმიერ საკითხზე უნდა არსებობდეს დისკუსია და მათ შორის მოსამართლე ნატა ნაზღაიძის თემაზე.