„დიახ, დიახ... პატრიარქის მდივან-რეფერენტიც მაღალი იერარქიაა“

„დიახ, დიახ... პატრიარქის მდივან-რეფერენტიც მაღალი იერარქიაა“ - კაკაბაძე ციანიდის საქმეზე

პოლიტიკა - 15:13, 21 Feb, 2017

8704

უფლებადამცველი გამორიცხავს, რომ დეკანოზ გიორგი მამალაძეს "ციანიდი" ჩაუდეს.

"არსებობს ჩანაწერები, რომელიც ხალხმა ნახა და როგორც მე ვიცი ავთენტურია, გონებისთვის ძალიან რთული და ძნელი აღსაქმელია, თუმცა ისტორია იცნობს მსგავს ფაქტებს და თურმე ძალაუფლებისთვის, გამდიდრებისთვის და მომხვეჭელობისთვის ბრძოლა ასეთ ნაბიჯებს შესაძლებელია გადგმევინებდეს"- განაცხადა "ნიუპოსტთან" კაკაბაძემ.

მისი თქმით, ე.წ ციანიდის საქმეზე მან ადვოკატ ირმა ჭკადუასგან გაიგო, რომლის პირველწყარო, კაკაბაძის თქმით ჟურნალისტი ირაკლი მამალაძე იყო.

„ამ ადამიანმა ვინც ჩაწერა, ეს არის ირაკლი მამალაძე, მოუთხრო ირმას... ჩანაწერებში საუბარია იმაზე, რაზეც გამოძიება საუბრობს“- აღნიშნა კაკაბაზემ ჩვენთან საუბრისას.

კითხაზე: ჩანაწერში საუბარია თუ არა მაღალი სასულიერო პირის მკვლელობაზე უფლებადამცველი ამბობს:

„დიახ, დიახ, მაღალი იერარქია... პატრიარქის მდივან-რეფერენტიც მაღალი იერარქიაა. არ გამოვრიცხავ შორენას მკვლელობის მცდელობასაც. პეტრე გამხმოვანებელია ამ პროცესების - მე ასე აღვიქვამ.

მისი თქმით, ე.წ ციანიდის საქმე „ამ პიროვნების (დაკავებული დეკანოზის) და პეტრეს დონეზე გადაწყვეტილი თემა არ არის.

„მას რომ არ ჰქონოდა ზურგი, ამის გარისკვა ძნელი იქნებოდა... ამის უკან რაღაცა სხვა ჩანაფიქრი დევს, რომელიც უფრო მნიშვნელოვანია ამოიხსნას....“- განაცხადა კაკაბაძემ.

მისი თქმით „აქ კითხვები არ არსებობს, ამ ყველაფრის ატეხვა ცალსახად წინა ხელისუფლებას აწყობდა“.

„ნიუპოსტმა“ უფლებადამცველს პატრიარქის დაცვის უფროსის სოსო ოხანაშვილის შესახებაც ჰკითხა, თუმცა ნანა კაკაბაძემ ოხანაშვილის დაკითხვაზე და მის მიმართ მამა იაკობის ბრალდებებზე კომენტარის გაკეთება არ ისურვა: „არ მინდა ამაზე კომენტარი, თავს შევიკავებ“