საპატრიარქოში ამ წუთებში სასულიერო პირების შეხვედრა იმართება. მღვდელმტავრები სავარაუდოდ პატრიარქთან ერტად ე.წ. ციანიდის საქმისა და მამა გიორგი მამალაძის შესახებ მსჯელობენ.

სასულიერო პირები ერთ საათზე მეტია რაც საპატრიარქოში შეიკრიბნენ. შეხვედრის დაწყებამდე სასულიერო პირებმა ჟურნალისტებთან კომენტარი გააკეთეს. მათი თქმით მთავარი განსახილველი თემა ციანიდის საქმეა. სასულიერო პირები დღეს კათოლიკოს პატრიარქს სავარაუდოდ მათ ხელთ არსებულ ინფორმაციას მიაწვდიან. გავრცელებული ინფორმაციის თანახმად, შეხვედრა სწორედ უწმინდესის ინიციატივით მიმდინარეობს.

„მე საქმის კურსში არ ვარ, მე გახლავართ მსჯავრდებულებთან ურთიერთობის დეპარტამენტის თავმჯდომარე, შევალ და გავარკვევ ყველაფერს, რა თქმა უნდა დაინტერესებული ვარ მამა გიორგი მამალაძის საქმით, არა მხოლოდ მე, არამედ მთელი საქართველო არის დაინტერესებული. ჩვენი ტკივილია მამა გიორგი მდგომარეობა და იმედი მაქვს, რომ ყველაფერი კარგად დასრულდება. გაირკვევა მტყუან-მართალი. როგორც ვიცით ჩაფიძის კლინიკაშია გადაყვანილი და მკურნალობს, ამ შემთხვევაში მის მდომარეობას საფრთხე არ ემუქრება“, - განაცხადა დეკანოზმა გიორგი თევდორაშვილმა.