საპატრიარქოში დღეს ციანიდის საქმეზე იმსჯელებენ. შეხვედრას სასულიერო პირები დაესწრებიან. ამასთანავე შესაძლოა სინოდის კრების მოწვევის საკითხის განხილვაც მოხდეს, სავარაუდოდ, შეხვედრას სრულიად საქართველოს კათოლიკოს-პატრიარქი ილია მეორეც დაესწრება. საპატრიარქოში მივიდა მეუფე პეტრეც. მისი თქმით, მთავარია ყველაფერი გაირკვეს მამა გიორგის ამჟამინდელ მდგომარეობაზე.

„მთავარია სიმართლემ გაიმარჯვოს, აუდიტი ახლა მეათეხარისხოვანია, მთავარია ახლა მამა გიორგის საშინელი ბრალდების წინაშე მთელი ერი და ბერი დადგეს სიმართლის მხარეს.“- განაცხადა მეუფე პეტრემ.

მსჯავრდებულებთან ურთიერთობის დეპარტამენტის თავჯდომარე გიორგი თევდორაშვილის განცხადებით, მთელი საქართველო დაინტერესებულია გაირკვეს დეტალები მამა გიორგის დაკავების საქმეზე. მისი თქმით მამა გიორგის მდგომარეობა ყველა მათგანის ტკივილია.