მთავრობის ადმინისტრაციაში მთავრობის სხდომა მიმდინარეობს. სხდომის ფარგლებში საქართველოს პრემიერ-მინისტრმა გიორგი კვირიკაშვილმა ბოლო პერიოდში მთავრობის წარმომადგენლების საერთაშორისო ვიზიტებზე ისაუბრა.

„ერთი მნიშვნელოვანი დასკვნა, რომელიც შეგვიძლია გამოვიტანოთ მიუნხენის უსაფრთხოების ორდღიანი კონფერენციიდან, გახლავთ ის, რომ ყველაზე ნათლად გამოჩნდა თუ რამხელა რაციონალი და ლოგიკა დგას ძლიერი ევროკავშირის უკან. ანუ რამდენად მნიშვნელოვანია დღევანდელი გამოწვევების პირობებში, უსაფრთხოების გამოწვევის პირობებში, პოლიტიკური, ეკონომიკური გამოწვევების პირობებში ძლიერი ევროკავშირის არსებობა და არა ერთი დისკუსიის შემთხვევაში, ძალიან ბევრი ლიდერის მიერ იქნა ეს ხაზგასმული. კიდევ ერთხელ გამოჩნდა ის ენერგია, რომელიც არსებობს ევროკავშირის ქვეყნებს შორის, ბაზრის ძალა და რა თქმა უნდა ძლიერი ევროკავშირი არის ძალიან მნიშვნელოვანი“, - განაცხადა გიორგი კვირიკაშვილმა.