„ლევან თეთვაძე თავდაცვის სამინისტროს ბაზაში არ ფიქსირდება“

„ლევან თეთვაძე თავდაცვის სამინისტროს ბაზაში არ ფიქსირდება“ - გორთამაშვილი სინჯიკაშვილს პასუხობს

სოც.მედია - 18:18, 20 Feb, 2017

7306

თავდაცვის სამინისტროს საზოგადოებასთნ ურთიერთობის სამსახურის ხელმძღვანელი თამარ გორთამაშვილი აცხადებს, რომ სინჯიკაშვილის მიერ გავრცელებული ინფორმაცია, რომ აგვისტოს მოვლენების დროს გარდაცვლილი სამხედრო მოსამსახურის დედა მოწყალებას ითხოვს, სიმართლეს არ შეესაბამება.
მისი თქმით, სინჯიკაშვილის მიერ დასახელებული პირი, ლევან თეთვაძე 2008 წლის აგვისტოს ომში გარდაცვლილი სამხედრო მოსამსახურე არ არის.
მეტიც, გორთამაშვილის თქმით, აღნიშნული სახელის და გვარის პიროვნება თავდაცვის სამინისტროს ბაზაში საერთოდ არ ფიქსირდება.

"მოქალაქე აკა სინჯიკაშვილის მიერ, სოციალურ ქსელში გავრცელებული ინფორმაცია, რომ აგვისტოს მოვლენების დროს გარდაცვლილი სამხედრო მოსამსახურის დედა მოწყალებას ითხოვს, სიმართლეს არ შეესაბამება!

აკა სინჯიკაშვილის მიერ დასახელებული პირი, ლევან თეთვაძე არ გახლავთ 2008 წლის აგვისტოს ომში გარდაცვლილი სამხედრო მოსამსახურე.

აღნიშნული სახელის და გვარის პიროვნება თავდაცვის სამინისტროს ბაზაში საერთოდ არ ფიქსირდება, შესაბამისად ის საქართველოს შეიარაღებულ ძალებში არასოდეს მსახურობდა.
საქართველოს ერთიანობისა და დამოუკიდებლობისთვის ბრძოლებსა და საერთაშორისო მისიებში დაღუპული სამხედრო მოსამსახურეების ოჯახები, საქართველოს თავდაცვის სამინისტროსგან ყოველთვიურ კომპენსაციას იღებენ, რომელიც 1000 ლარით განისაზღვრება - წერს გორთამაშვილი.