"შენი წვერებისგან წინდებს მოვიქსოვ-მეთქი, შევუთვალე მიტროპოლიტ კალისტრატეს"- რეზო ამაშუკელი

პოლიტიკა - 17:26, 20 Feb, 2017

25381

საპატრიარქოს ირგვლივ განვითარებულ მოვლენებს. რეზო ამაშუკელი „ასავალ-დასავალთან“ ინტერვიუში ეხმაურება. ამაშუკელი რამდენიმე მღვდელმთავარს „ნაციონალების“ ჩანერგილებს უწოდებს და აცხადებს, რომ რამდენიმე წლის წინ მას 4 მიტროპოლიტთან დაპირისპირება მოუვიდა, იმის გამო, რომ ამ მღვდელმთავრებმა პატრიარქს გადადგომა მოსთხოვეს: მისი განცხადებით საქართველოს ეკლესიაში ჩანერგილი “ნაციონალები” დღესაც არიან და სააკაშვილის ინტერესებს ემსახურებიან!

„საქართველოს ეკლესიაში ჩანერგილი “ნაციონალები” დღესაც იქ არიან და კვლავ სააკაშვილის ინტერესებს ემსახურებიან! ვინმეს ხომ არ დაავიწყდა, რამდენიმე წლის წინათ, როგორ დავეტაკე 4 მიტროპოლიტს, რომლებიც პატრიარქს თავზე დაადგნენ და ეუბნებოდნენ, გადადექიო! ქუთათელ-გაენათელ მიტროპოლიტ კალისტრატეს მაშინ შევუთვალე, შენი წვერებისგან წინდებს მოვიქსოვ-მეთქი, ფოთის მეუფე გრიგოლ ბერბიჭაშვილს კი ტელეფონზე დავურეკე და ცოცხალ-მკვდარი ვაგინე! ამ დღეებში მამა ლევან ფირცხალაიშვილმა ჭყონდიდის მიტროპოლიტ პეტრე ცაავას სააკაშვილისა და სანდრა რულოვსის „სიამის კატა“ უწოდა! ვაღიარებ, რომ ცხოვრებაში პირველად შემშურდა სხვის მიერ გაკეთებული ასეთი ზუსტი შედარება და სიამოვნებით გავიმეორებ მამა ლევანის სიტყვებს – დიახ, მეუფე პეტრე სააკაშვილისა და სანდრა რულოვსის „სიამის კატაა“. იქნებ პროკურატურა დაინტერესდეს, ვინ არის პეტრე ცაავა, როგორ მოხვდა ეკლესიაში, სწრაფი ტემპით როგორ აღზევდა და რა ქონება აქვს დაგროვილი?! პირდაპირ ვაცხადებ, რომ მეუფე პეტრე არის სააკაშვილის ყანდური და გაოგნებული ვარ, როგორ შეიძლება იგი საპატრიარქოს ტელევიზიას ხელმძღვანელობდეს?!“- განაცხადე რეზო ამაშუკელმა.