ნინო გვენეტაძე პარლამენტში - დარბაზიდან ნიკა მელიას გაძევება სცადეს

პოლიტიკა - 12:29, 20 Feb, 2017

6830

პარლამენტში, ადამიანის უფლებათა დაცვის კომიტეტის სხდომაზე უზენაესი სასამართლოს თავმჯდომარის, ნინო გვენეტაძის მოსმენა ხმაურის ფონზე მიმდინარეობს.
”ნაციონალური მოძრაობისა” და ”ევროპული საქართველოს” წევრებმა მოსმენაზე მისულ გვენეტაძეს კითხვები ”რუსთავი2”-ის საქმესთან დაკავშირებით დაუსვა.

ოპოზიცია სასამართლო ხელისუფლებას ტელეკომპანიის დახურვის პროცესში თანამონაწილეობისთვის აკრიტიკებს.

ნიკა მელიამ განაცხადა, რომ გვენეტაძის მოადგილე, მიხეილ ჩინჩალაძე უზენაეს სასამართლოში პროკურატურას წარმოადგენს. რასაც რეპლიკები მოჰყვა, ამაზე სხდომის წამყვანმა კომიტეტის თავმჯდომარე სოფო კილაძემ ოპოზიციონერ დეპუტატებს მიუთითა ზრდილობისკენ.

„ისევ უზრდელობას მიმართავთ, ყველამ კარგად იცით, რაც ხართ და ვინც ხართ,“- მიმართა სოფიო კილაძემ ნიკა მელიას.

რასაც ენმ-ს ლიდერის რეპლიკა მოჰყვა: „იმ ხელისუფლების წარმომადგენელი ხართ, ვინც ბედუკაძე გმირად აქცია, რა გაქვთ სალაპარაკო.

კილაძემ კი აღნიშნა: „ნუ მასწავლით რა უნდა ვთქვა, უზრდელები ხართ, დებოშის მოწყობა თუ გინდათ, თქვით, სხდომის ჩაშლა გინდათ,“- მიმართა ნიკა მელიამ სოფიო კილაძეს.

კილაძემ მიმართავს მანდატურის სამსახურს მიმართა, რომ დაატოვებინონ მელიას სხდომათა დარბაზი.