"რუსთავი 2"-ის საქმე და ნაზღაიძისთვის გადახდილი მილიონი - უზენაესი სასამართლოს თავმჯდომარეს პარლამენტში ელოდებიან

პოლიტიკა - 10:16, 20 Feb, 2017

5230

უზენაესი სასამართლოს თავმჯდომარე დღეს ოპოზიციის შეკითხვებს უპასუხებს. ნინო გვენეტაძე ადამიანის უფლებათა დაცვის კომიტეტის სხდომას დაესწრება.

საპარლამენტო ოპოზიცია უზენაესი სასამართლოს თავმჯდომარისთვის კითხვების დასმას, რუსთავი 2-ს საქმის განმხილველი მოსამართლისთვის გადაცემულ მილიონ ლარზე გეგმავს.

„დღეს საქართველოში სასამართლო არის ისეთ კორუმპირებული, როგორიც ის არ ყოფილა 2003 წლის შემდეგ და ის დღესაც დამოკიდებულია ხელისუფლებაზე, როგორც სამწუხაროდ იყო მანამდეც,“ - აცხადებს ზაზა ბიბილაშვილი.

უზენაესი სასამართლოს მოსამართლეებზე შესაძლო ზეწოლაზე, ადამიანის უფლებების კუთხით არსებულ ვითარებასა და სასამართლო სისტემაში არსებულ პრობლემებზე გაამახვილებენ ყურადღებას ევროპული საქართველოს წევრები.

გიორგი ტუღუშის თქმით, კითხვები როგორც სასამართლო და აღმასრულებელი ხელისუფლების, ასევე სახალხო დამცველის მიმართაც დაისმევა.

ნინო გვენეტაძე დეპუტატებს სახალხო დამცველის რეკომენდაციების შესრულების შესახებ უზენაესი სასამართლოსა და იუსტიციის უმაღლესი საბჭოს ანგარიშებს გააცნობს. სხდომას სახალხო დამცველიც დაესწრება.