შოთაძის გადადგომის მოთხოვნა - საპარლამენტო უმცირესობა ხელმოწერების შეგროვებას იწყებს

პოლიტიკა - 09:35, 20 Feb, 2017

4234

დღეიდან საპარლამენტო უმცირესობა მთავარი პროკურორის ირაკლი შოთაძის თანამდებობიდან გადაყენების მოთხოვნით, ხელმოწერების შეგროვებას იწყებს.

განცხადება ამის შესახებ ,,ევროპულმა საქათველომ“ ორი დღს წინ გააკეთა.

„ევროპულმა საქართველომ“ ე.წ. ციანიდის საქმესთან დაკავშირებით მთავარი პროკურატურის მიერ გაკეთებულ განცხადებებთან მიმართებით საგანგებო ბრიფინგი გამართა.

დავით ბაქრაძის თქმით, არსებული გაუკრკვევლობის გამო, საქართველოს მთავარი პროკურორი ირაკლი შოთაძე თანამდებობიდან უნდა გადადგეს.

„ეს არ არის ის თემა, რომელიც პოლიტიკური აქტივობისთვის გამოყენებული უნდა იყოს. ამ თემის პოლიტიზირება გარდაუვლად მოხდა ხელისუფლების მხრიდან. ჩვენი მოთხოვნაა, ამ სიტუაციის ასე დასრულება იქნება კატეგორიულად მიუღებელი, უმაღლესი რანგის პირებმა აუცილებლად უნდა აგონ პასუხი. ჩვენ ვაყენებთ საქართველოს მტავარი პროკურორის პასუხისმგებლობის საკითხს. ჩვენ როგორც საპარლამენტო უმცირესობა ორშაბათიდან დავიწყებთ ხელმოწერების შეგროვებას მთავარი პროკურორის თანამდებობიდან გადაყენების მოთხოვნით“, - განაცხადა დავით ბაქრაძემ.

საპარლამენტო უმცირესლობას, მთავარი პროკურორის თანამდებობიდან გადაყენების პროცედურის დასაწყებად სულ მცირე 50 დეპუტატის მხარდაჭერა და შესაბამისი რაოდენობის ხელმოწერის შეგროვება სჭირდებათ.

მთავარი პროკურორის უფლებამოსილების ვადამდე შეწყვეტა პარლამენტის სრული შემადგენლობის უმრავლესობით (76 ხმა) მიიღება. რაც შეეხება მისი ვადაზე ადრე გადაყენების წესს, როგორც ეს საქართველოს კანონში ,,პროკურატურის შესახებ“ აღნიშნულია:

თუ არსებობს საკმარისი საფუძველი ვარაუდისათვის, რომ მთავარმა პროკურორმა დანაშაული ჩაიდინა, საპროკურორო საბჭო საპროკურორო საბჭოს ერთი ან მეტი წევრის ინიციატივით განიხილავს საგანგებო (ad hoc) პროკურორის დანიშვნის მიზანშეწონილობის საკითხს. საპროკურორო საბჭო უფლებამოსილია საგანგებო (ad hoc) პროკურორის დანიშვნის მიზანშეწონილობის საკითხი განიხილოს აგრეთვე საქართველოს პარლამენტის სრული შემადგენლობის არანაკლებ ერთი მესამედის მიმართვის საფუძველზე.