ტელეკომპანია რუსთავი 2-ისა და სიტყვის თავისუფლების დასაცავი აქცია რუსთაველის გამზირზე, პარლამენტის შენობის წინ დასრულდა. აქციას ესწრებოდნენ საკოორდინაციო საბჭოს წევრები. პაატა დავითაიას განცხადებით, რუსთავი 2 არ არის მხოლოდ ტელეარხი, ის არის სიტყვის თავისუფლევის გარანტი საქართველოში:

„ძალიან მნიშვნელოვანია ის, რომ ახალი ერთობა საქართველოსთვის გაერთიანებას, პლატფორმას გამოეხმაურნენ სხვა პოლიტიკური პარტიები, „ნაციონალური მოძრაობა“ და რუსთავი 2-თან დაკავშრებით შეიქმნა საკოორდინაციო საბჭო, რომელმაც გაწია გარკვეული მუშაობა და ამ მუშაობის შედეგებსაც თქვენ ხედავთ. ძალიან მნიშვნელოვანია სიტყვის თავისუფლების დაცვა. მსურს ხაზი გავუსვა ერთ მნიშვნელოვან მომენტს, ჩვენ აქ არა მხოლოდ რუსთავი 2-ის დასაცავად ვდგავართ, არამედ ამ წუთას, ჩვენი წარმომადგენელი, მამუკა ჟღენტი იმყოფება ბრიუსელში, სადაც აწარმოებს მოლაპარაკებებს იმ თვალსაზრისით, თუ რა ხდება რუსთავი 2-ის ირგვლივ, ის ელაპარაკება ევროპარლამენტარებს, დაგეგმილია ვიზიტი სტრასბურგში, ღიად სასაუბროდ იმისთვის, თუ როგორ დგას ყველა ერთად დამოუკიდებელი ტელეარხის დასაცავად. ეს არ არის ტელეარხი მხოლოდ, ეს არის სიტყვის თავისუფლების გარანტი ამ ქვეყანაში. ამიტომაც ჩვენ აქ ვდგავართ და ყველაფერს გავაკეთებთ იმისათვის, რომ სიტყვის თავისუფლება და რუსთავი 2 დაცული იყოს“, - განაცხადა პაატა დავითაიამ.