პრემიერი იმედოვნებს, რომ პატრიარქს, სრული ინფორმაციის მიღების შემდეგ, ექნება შესაბამისი პოზიცია

პოლიტიკა - 23:07, 18 Feb, 2017

4800

დეკანოზ გიორგი მამალაძის დაკავებასთან დაკავშირებით მორიგი კომენტარი გააკეთა საქართველოს პრემიერ-მინისტრმა.

,,როდესაც ხდება პიროვნების დაკავება ასეთი ნივთიერებით, როდესაც მიემგზავრება პატრიარქთან, ჩვენ არ გვაქვს უფლება, არ დავუშვათ ყველანაირი სცენარი. სწორედ ამიტომ საქართველოს მთავრობამ მიიღო შესაბამისი პრევენციული ზომები, რათა არ მომხდარიყო დიდი უბედურება“ - განაცხადა გიორგი კვირიკაშვილმა.

მისივე თქმი, გამოძიებას უნდა მიეცეს საშუალება, რომ სრული სურათი გახდეს ცნობილი.

,,ამის შემდეგ, ჩვენ, გამომდინარე საქართველოს ეკლესიის, როგორც სახელმწიფოებრივად მნიშვნელოვანი ინსტიტუციისადმი ნდობის შენარჩუნების კუთხით და ასევე იმიტომ რომ ჩვენთვის უმნიშვნელოვანესია ეკლესიის ერთიანობა, ჩვენ მაქსიმალურად, დღემდე ვცდილობთ თავი შევიკავოთ გამოძიების მასალების გამოქვეყნებისგან. ასევე ამას ვაკეთებთ, რა თქმა უნდა გამოძიებისა და უსაფრთხოების ინტერესებიდან გამომდინარე“ - განაცხადა გიორგი კვირიკაშვილმა.

პრემიერის თქმით, სამწუხაროა, რომ საზოგადოებისა და ეკლესიის ზოგიერთი წარმომადგენლის მხრიდან იყო საკმაოდ უსამართლო და არაადეკვატური რეაქცია.

პრემიერმინისტრი იმედს გამოთქვას, რომ მას შემდეგ, რაც პატრიარქი საქართველოში დაბრუნდება და მიიღებს სრულ ინფორმაციას ამ საკითხის ირგვლივ, მას ექნება შესაბამისი პოზიცია.