„დეკანოზის მონაყოლი აბსოლუტურად ეწინააღმდეგება პროკურატურის ვერსიას"

„დეკანოზის მონაყოლი აბსოლუტურად ეწინააღმდეგება პროკურატურის ვერსიას" - ნანუაშვილი

პოლიტიკა - 15:08, 18 Feb, 2017

10449

სახალხო დამცველი უჩა ნანუაშვილი, ჩაფიძის კლინიკაში დეკანოზ გიორგი მამალაძის სანახავად მივიდა.

როგორც სახალხო დამცველმა აღნიშნა, ის კლინიკაში თავისი სურვილით მივიდა.

როგორც უჩა ნანუაშვილი აცხადებს, „რეალურად, ცალ კარში თამაში მიმდინარეობს, როდესაც დაცვის მხარეს არ აქვს უფლება, გაამჟღავნოს გარკვეული დეტალები“.

მისი თქმით, ყველა დეტალი, რაც მამალაძის ჯანმრთელობის მდგომარეობას ეხება, ძალიან მნიშვნელოვანია.

„ჩვენ ვსწავლობთ აღნიშნულ საქმეს. პრობლემები არის დასაწყისიდანვე, როდესაც რეალურად, ცალ კარში თამაში მიმდინარეობს. დაცვას არ აქვს უფლება, გარკვეული დეტალები გაამჟღავნოს, დაიცვას თავი, დაიცვას ბრალდებული. მაშინ როდესაც, სხვა ყველა სხვა ჩართულ მხარეს ნებისმიერი ინფორმაციის გამჟღავნების უფლება აქვს. ეს რა თქმა უნდა არის სერიოზული პრობლემა. სხვას რომ თავი დავანებოთ იმ ალოგიკურობას კონკრეტულ საკითხებში, რომელიც უკვე გამომჟღანდა რამდენიმე დღის განმავლობაში “ - განაცხადა სახალხო დამცველმა.

კითხვაზე, აქვს თუ არა ინფორმაცია იმის შესახებ, რომ საპატრიარქოს საქმის მასალების ნაწილი გადაეცა, სახალხო დამცველი პასუხობს, რომ ამის შესახებ ინფორმაცია არ აქვს.

„რაც ჩემთვის ყველაზე მნიშვნელოვანია, რასაც ყვება დეკანოზი, აბსოლუტურ წინააღმდეგობაშია ოფიციალურ ვერსიასთან, რაც პროკურატურის მხრიდან ვრცელდება” - დასძინა ნანუაშვილმა

დეკანოზი ჯანმრთელობის მდგომარეობის გაუარესების გამო გუშინ საღამოს ჩაფიძის კლინიკაში გადაიყვანეს. დეკანოზის მდგომარეობის შესახებ დღეს კომენტარი გააკეთა ექიმმა, რომელმაც განაცხადა, რომ შესაბამისი კვლევები უტარდება პაციენტს და იგი ჯერჯერობით სამედიცინო დაწესებულებაში დარჩება.