პოლიტიკური გაერთიანება „ევროპუკუ საქართველოს“ ერთ-ერთი ლიდერი დავით ბაქრაძე დეკანოზ გიორგი მამალაძის საქმის კომენტირებისას აცხადებს, რომ პროკურატურამ ინფორმაცია უნდა გაასაჯაროვოს, წინააღმდეგ შემთხვევაში ეს ყველაფერი საშიშ მიმართულებას მიიღებს:

”ჩვენ მოვისმინეთ პატრიარქის განცხადება ამ პიროვნების შეფასების. ჩვენ მოვისმინეთ წმინდა სინოდის წევრთა განცხადებები, რომლებიც დარწმუნებულნი არიან მის უდანაშაულობაში და ასეთ პირობებში, კიდევ ერთხელ მოვუწოდებთ მთავარ პროკურატურას, თუკი გააჩნია რაიმე სახის მტკიცებულებები, დაუყოვნებლივ გამოაქვეყნონ და გაასაჯაროვონ, რადგან დღეს დაკავებულია სასულიერო პირი და არ ვიცით რა ბრალდებით. თუ პროკურატურა ინფორმაციას არ გაასაჯაროებს, ეს ყველაფერი ძალიან ცუდ და საშიშ მიმართულებას მიიღებს.”, - განაცხადა დავით ბაქრაძემ.