„სამარცხვინოა ერის და ბერის მხრიდან“ - თამარ ივერი ციანიდის საქმეზე

სოც.მედია - 18:54, 17 Feb, 2017

7931

„მოკლედ, ანეგდოტი ხალხი ვართ.“ - წერს თამარ ივერი და „ციანიდის საქმეს“ შემდეგი პოსტით ეხმაურება.

თამარ ივერი: ვერ მივხვდი ... ამხელა სკანდალი და აყალმაყალია ატეხილი... არიქა, თავიდან ავიცილეთ ერის დიდი ტრაგედიაო და დღეს აცხადებენ...ჯერ არ არის დამტკიცებული ციანიდია თუ რა ნივთიერებააო. მოკლედ, ანეგდოტი ხალხი ვართ.

და თუ ციანიდია... არსებობს სადმე რაიმე ცხადი ვიდეო მასალა, სადაც მამა გიორგი უშუალოდ ამ წამალზე და მისით "მაღალი იერარქიის პირის" მოწამვლაზე საუბრობს?? თუ არადა, ძალიან არაკორექტულია მთავრობის მხრიდან წინასწარ ამხელა პანიკის ატეხვა: თავიდან ავიცილეთ "NN პირის" მოწამვლის უდიდესი ტრაგედიაო. საიდან ამხელა დარწმუნება? რატომ ულახავენ დაკავებულ მამაოს წინასწარ ასე სახელს? იურისპრუდენციაში ნათლად წერია, დანაშაულის დამტკიცებამდე პირი ითვლება უდანაშაულოდ.
რა საჭიროა ამდენი ქვის და ტალახის სროლა ადამიანისადმი ვინც....იქნება და საბოლოოდ ჭანჭიკი და მსხვეპლი აღმოჩნდეს მავანთა ბინძური თამაშის გეგმის?. და თუ მოხდა სასწაული და განზრახ მიჰქონდა....იქნებ, სისულელეს ვამბობ მაგრამ თავად აპირებდა ბერლინში თვითმკვლელობას, ან იქ იქნებ ვინმეს გადასაცემად სურდა წაღება, ან,ან,ან....ვერსიები შეიძლება უსასრულო აღმოჩნდეს....
კი ბატონო, შეიძლება თავად ფაქტი რომ ტრანსპორტირება მისი იკრძალება და დანაშაულია...ცალსახაა მაგრამ ერთბაშად ასეთი სკანდალური ვერსია რომ აუცილებლად იმ "მაღალი იერარქიული პირის" მოწამლვა ჰქონდა ჩაფიქრებული.... ასეთი "ექსპრეს დასკვნა"რბილად ვიტყვი რომ სამარცხვინოა ერის და ბერის მხრიდან.
ამაზე მახსენდება ერთი ანეგდოტი:
კაცს პოლიცია დაადგება თავზე და უნდა დაგაპატიმროთო, კაცი ეუბნება: რატომ? რა დავაშავეო?
პოლიცია პასუხობს: იმიტომ რომ გავიგეთ სხვენში არაკანონიერი "სამაგონი"(არყის სახდელი) გქონია, რაც კანონით მკაცრად ისჯება და დაპატიმრებული ხართო.
კაცი ეუბნება: ხალხნო,ეგ სამაგონი თუ იყო არც ვიცოდი, ბაბუაჩემის მამის ნაქონია და ეგრე გდია სხვენში 70 წელიაო.პოლიცია: არა აქვს მნიშვნელობა ხმარობთ არ ხმარობთ, ამის იარაღი გაქვთ და უნდა დაგაპატიმროთო.

კაცმა: კარგით მაშინ, რა გაეწყობა,დამაპატიმრეთ, ოღონდ გთხოვთ, იქნებ გაუპატიურების მუხლიც მიმიმატოთ.

პოლიცია:გაუპატიურების???????? და ვინ გააუპატიურეთ????

კაცი: არავინ უფროსო, მაგრამ იარაღი მაქვს და ბარემ ეგ მუხლიც იყოს.“