თბილისის საკრებულოს დამოუკიდებელი დეპუტატი ალეკო ელისაშვილი მერიის კონების მართვის საქალაქო სამსახურის უფროსს კორუფციაში ადანაშაულებს. საკრებულოს დამოუკიდებელი დეპუტატის თქმით, ვარკეთილში, ჯავახეთის 66 ნომერში მდებარე მიწის ნაკვეთთან დაკავშირებით კარლო ლაფერაძის ინტერესები იკვეთება.

"გვახსოვს მოსამართლე ნაზღაიძის ოჯახისთვის მიწის ნაკვეთის გადაცემასთან დაკავშირებით როგორ დაფაცურდა მერია, მისი ქონების მართვის სამსახური და წარმოუდგენელი მოცულობის სამუშაო ერთ თვეში ჩაატარა. მერიის მაღალჩინოსნებს და კონკრეტულად, ქონების მართვის სამსახურის კორუმპირებულ ხელმძღვანელს კაკო ლაფერაძეს, იმის გამო, რომ მას არ ადარდებს მოქალაქეების ბედი და ადარდებს მხოლოდ ფული, ამის გამო ის აფერხებს სრულიად უკანონო ერთი დოკუმენტის გადმოგზავნას,“ - განაცხადა ელისაშვილმა.