ე.წ. ციანიდის საქმეზე გაკეთებული განცხადებების გამო უმრავლესობის დეპუტატებს თავის მართლება უწევთ. ერთ-ერთი მათგანია ეკა ბესელია, რომელიც მისი განცხადების გამო დამატებით განმარტებებს აკეთებს, კითხვაზე, რატომ იგულისხმეს მაღალი თანამდებობის პირებმა თავდასხმის ობიექტში მაღალი იერარქიის სასულიერო პირი, ბესელია პასუხობს რომ ეს ვერსია გამოძიებას არ გამოურიცხავს:

„ვინმემ გამორიცხა? პროკურატურის განცხადება მე არ მომისმენია, რომელიც გამორიცხავს, ნათია სუხიაშვილს არ აქვს წვდომა საქმის მასალებზე, ისევე, როგორც წვდომა არ აქვთ საქმის მასალებთან წვდომა დეპუტატებს, ასე რომ საქმის მასალებში რა არის, თქვენ მოვლენებს ნუ ასწრებთ, ამას გვეტყვის გამოძიება, არავის არ უთქვამს, რომ გამოძიება დასრულდა, ქვეყანამ აიცილა საფრთხე, იმიტომ, რომ ადამიანი, რომელიც დაკავებულია საზღვარზე, მას აქვს საწამლავი, მიდის იქ სადაც პატრიარქი იმყოფება, არის საფრთხის შემცველი, ის რომ გაძლიერდა დაცვა სწორი გადაწყვეტილებაა, იყო საფრთხეები, მზადდებოდა მძიმე დანაშაული, არ მითქვამს ვის მიმართ, შესაძლებელია პატრიარქის მიმართაც“, - აცხადებს ეკა ბესელია.