"ივანიშვილი ძალიან სახიფათო თამაშშია შესული, რომლის მთავარი ამოცანა რუსთავი 2-ის ჩახშობაა"- გიგა ბოკერია

პოლიტიკა - 14:03, 16 Feb, 2017

2800

,,მოძრაობა თავისუფლებისთვის-ევროპული საქართველოს’’ წევრი გიგა ბოკერია რუსთავი 2-ის საქმესთან დაკავშირებით აცხადებს, რომ ივანიშვილი სახიფათო თამშშია შესული, რომლის მთავარი ამოცანაა რუსთავი 2-ის ჩახშობა.

,,ჩვენ მკაფიო პოზიცია დავაფიქსირეთ რუსთავი 2-თან დაკავშირებულ საკითხზე. ძალიან სახიფათო თამაშშია შესული ივანიშვილი და მისი გუნდი იმისთვის, რომ თავისი სტრატეგიული ამოცანა შეასრულოს რუსთავი 2-ის ჩახშობის. ნიკა გვარამიას წინააღმდეგ განხორციელებულ მოქმედებებს თუ შემდეგი ნაბიჯი მოჰყვა, შეიძლება, ეს ძალიან მძიმე შედეგების მომტანი აღმოჩნდეს ჩვენი ქვეყნისთვის დემოკრატიის თვალსაზრისით, მაგრამ პერსონალურად ივანიშვილისთვის და მისი გარემოცვისთვის. ნუ ეგონებათ, რომ ამ ნაბიჯებით შეძლებენ ამ ამბის გაპარებას და არ რეაქცია მოჰყვება. ყველა ის პრობლემა, რომელიც წარმოიშვა ივანიშვილის მმართველობის დროს, ყველა ის დანაშაულებრივი მოქმედება და მავნებლობა, ლეგიტიმური ბოღმა, რომელიც დაგროვდა მოქალაქეების ნაწილში ყველაფერი აკუმულირდება რუსთავი 2-ის საქმეში და ამოხეთქავს თუ კი ივანიშვილის რეჟიმმა უახლოეს პერიოდში დრამატული ნაბიჯი გადადგა,’’- აცხადებს გიგა ბოკერია.