,,კგბ-ს ნელი მოქმედების ნაღმი ეკლესიაში“ და ,,დიუმას რომანები ლუვრში ჯადოებით“

სოც.მედია - 12:25, 15 Feb, 2017

8575

„კაგებე ყოველთვის ამზადებდა ქვეყნის შიგნით ნელი მოქმედების ნაღმებს“ - წერს სოციალურ ქსელში ნათია ფანჯიკიძე და პატრიარქთან დაკავშირებულ სკანდალს შემდეგი პოსტით ეხმაურება.

ნათია ფანჯიკიძე: „დიუმას რომანებში გადავცხოვრდით მგონი, ლუვრში რომ ერთმანეთს წამლავენ და ჯადოებს აკეთებენ. ვერაფერი ვერ გავიგე, პროკურატურის ოდნავი ნდობა რომ არ შეიძლება, ამაში სრულიად დარწმუნებული ვარ და ეს კიდევ უფრო რევს შეგრძნებებს, რა შეიძლება ხდებოდეს სინამდვილეში. ერთადერთი, რაც აშკარაა და ნამდვლად ხდება, პატრიარქს აწუხებენ და ულმობლობას იჩენენ ასაკოვანი ადამიანის მიმართ, რაც ძალიან ცუდად მოქმედებს ჩემზე.
მეორე, რისი ეჭვიც მაქვს, კაგებე ყოველთვის ამზადებდა ქვეყნის შიგნით ნელი მოქმედების ნაღმებს, რომლებსაც ქვეყნის შიგნითვე გვიფეთქებდა ისეთ დროს, როცა ღიად ჩვენზე თავდასხმა არ აწყობდა ან არ უნდოდა. "ქართველები თვითონ დახოცავენ ერთმანეთს" - მათი ეს რწმენა, სამწუხაროდ, არასდროს გაცრუებულა.
მეჩვენება, რომ ერთი ასეთი ბომბი რუდუნებით მზადდება დიდი ხანია ეკლესიის წიაღში და ცოტაც და ასაფეთქებლად მზადაა. ხოდა ვინ ვისი მრევლიც არ უნდა იყოს, იმედია გონიერება ეყოფა, რომ თავზე არ ჩამოვიმხოთ ქვეყანა კიდევ ერთხელ, მითუმეტეს, რომ რაღაც პატარა წინსვლა გვაქვს ვიზალიბერალიზაციის სახით მეტი თავისუფლებისკენ“.