სახელმწიფო საკონსტიტუციო კომისიის საქართველოს პარლამენტის, ფინანსებისა და კონტროლის და საქართველოს კონსტიტუციის გადასინჯვის საკითხთა სამუშაო ჯგუფმა გუშინ მორიგი სხდომა გამართა. საპარლამენტო რესპუბლიკის მოდელზე გადასვლის და პარლამენტის დათხოვნის საკითხზე პარლამენტის, ფინანსებისა და კონსტიტუციის გადასინჯვის საკითხთა სამუშაო ჯგუფმა იმსჯელა.

პრეზიდენტს უკვე შეზღუდული ჰქონდა ის უფლებამოსილება რაც ჰქონდა საპრეზიდენტო არჩევნებამდე, შესაბამისად ის ხელისუფლების შტოს არ წარმოადგენს. ხელისუფლების სამი შტო არსებობს საკანონმდებლო, აღმასრულებელი და სასამართლო ხელისუფლება. აქედან გამომდინარე გარკვეული ბალანსი დაირღვა იმიტომ, რომ კონსტიტუციაში დარჩა არსებული ჩანაწერები,“-აცხადებს ეკა ბესელია.

წარდგენილი მოდელი პარლამენტის როლის გაზრდას და პრეზიდენტის უფლებების მაქსიმალურად შემცირებას გულისხმობს.

„თუ კი ჩვენ მივიღებთ გადაწყვეტილებას რომ უნდა წავიდეთ საპარლამენტო მოდელზე, მაშინ მაქსიმალური აქცენტი უნდა გაკეთდეს პარლამენტის უფლებამოსილების გაძლიერებაზე და პრეზიდენტს ჰქონდეს უფრო მეტად სიმბოლური, არა პოლიტიკის გამტარებელი ფუნქცია,“-განაცხადა საქართველოს სახელმწიფო აუდიტის სამსახურის გენერალური აუდიტორის პირველმა მოადგილემ ნინო ლომჯარიამ.

საკონსტიტუციო უმრავლესობის პირობებში ინიციატივას საფრთხის შემცველად მიიჩნევენ ოპოზიციის წევრები. მათი შეფასებით ეს პრეზიდენტის ინსტიტუტის დაკნინების გაგრძელებაა.