"საქართველოს ხელისუფლება ჩაბმულია ქართული ეკლესიის წინააღმდეგ შეთქმულებაში"- ნიკა გვარმია (ვიდეო)

პოლიტიკა - 15:24, 14 Feb, 2017

8261

"რუსთავი 2"- ის გენერალური დირექტორი ნიკა გვარამია ხელისუფლების წარმომადგენლებს საპატრიაქოს სამეებში უხეშ ჩარევაში ადანაშაულებს.

როგორც გვარამიამ სპეციალურ ბრიფინგზე აღნიშნა, ეს დასტურდება, როგორც "რუსთავი 2"- ის მიერ მოპოვებული ინფორმაციით ასევე იმ რეაქციით, რაც ხელისუფლებას ამ საქმეზე აქვს.

გვარამია იმედი გამოთქვა, რომ საკითხზე განცხადებას უმაღლესი სასულიერო პირებიც გააკეთებენ.

"დღევანდელი განცხადებები არ ეხება მოსამართლეთა დაშინებას. ეს საკითხი ეს ხმაური ეხება საპატრიარქოსთან დაკავშირებულ მიმდინარე მოვლენებს, სადაც ხელისუფლებას უმძიმესი პრობლემა აქვს. უმძიმესი პრობლემა ეკლესიის საქმეებში უხეში და დანაშაულებრივი ჩარევით. ამას "რუსთავი 2" ორი დღეა ამხელს ხელისუფლებასა და ეკლესიის შიგნით მყოფ ზოგიერთ ადამიანს რომელიც ხელისუფლებასთან ერთად შეთანხმებულად მოქმედებს. ესეც არის ერთ-ერთი საკითხი, რომლის გადაფარვასაც ცდილობენ. საქართველოს ხელისუფლება ჩაბმულია შეთქმულებაში ქართული ეკლესიის წინააღმდეგ, როგორც ჩანს მათი რეაქციებიდან, როგორც ჩანს ჩვენ მიერ მოპოვებული დოკუმენტებიდან და რომელიც იმედი მაქვს გამოჩნდება მაღალი იერარქების განცხადებებიდან"- აღნიშნა ნიკა გვარამიამ.

მისი თქმით, ხელისუფლება "რუსთავი 2"- ისა და საპატრიარქოს საქმეებთან დაკავშირებით უმძიმეს მდგომარარეობაშია.