რატომ ითხოვდა ქორეპისკოპოსი იაკობი დაკავებული დეკანოზისგან 5 მილიონიანი დარღვევის დამალვას

პოლიტიკა - 23:45, 13 Feb, 2017

29158

რას წერდა დეკანოზი გიორგი მამალაძე საქართველოს კათოლიკოს პატრიარქს და მიაღწია თუ არა მისმა წერილმა პატრიარქამდე? დეკანოზის წერილს ინკოგნიტო წყაროზე დაყრდნობით ტელეკომპანია რუსთავი 2 ავრცელებს. წერილში საპატრიარქოში არსებულ ფინანსურ დარღვევებთან ერთად საუბარია, ქორეპისკოპოს იაკობზე, რომელიც მამა გიორგის განცხადებით, კატეგორიულად სთხოვდა დაემალა საპატრიარქოს კლინიკაში აღმოჩენილი 5 მილიონამდე ლარის დავალიანება.

,,განსაკუთრებული ყურადღება მინდა გავამახვილო საკითხზე, რომელიც ამ ბოლო დღეების განმავლობაში ძალზედ აქტუალურია. ეს ეხება საპატრიარქოს კლინიკის საკითხს. მოგეხსენებათ მრავალი საჩივრის საფუძველზე ჩვენ ფინანსური შემოწმება ჩავატარეთ საპატრიარქოს კლინიკაში სადაც აღმოჩნდა 5 მლნ. ლარამდე დავალიანება რომელიც დაგროვილი იყო არაკეთილსინდისიერი მენეჯმენტის თაღლითური სქემების მეშვეობით და სადაც სავარაუდოდ გამოიკვეთა სისხლის სამართლის დანაშაულებიც (სამწუხაროდ არ ხდება ამ ადამიანთა პასუხისმგებლობის საკითხის დაყენება). ამ საკითხის ჩემი მხრიდან დასმისთანავე საპატრიარქოს საფინანსო საბჭოს თავმჯდომარემ ქორეპისკოპოსმა იაკობმა კატეგორიულად მომთხოვა არ გამეხმაურებინა ეს საკითხი. ბუნებრივია მე გავაგრძელე ამ საკითხების მოკვლევა” - ნათქვამია მამა გიორგის წერილში.