რას წერდა დეკანოზი გიორგი მამალაძე საქართველოს კათოლიკოს პატრიარქს და მიაღწია თუ არა მისმა წერილმა პატრიარქამდე? დეკანოზის წერილს ინკოგნიტო წყაროზე დაყრდნობით ტელეკომპანია რუსთავი 2 ავრცელებს. წერილში საუბარია, რომ საქართველოს საპატრიარქოს ქონებასთან დაკავშრებით იკვეთება საპატრიარქოს წარმომადგენლის არაკეთილსინდისიერი ინტერესი და ასევე ადგილი ჰქონდა მუქარას მის მიმართ:

„თქვენო უწმინდესობავ, სამწუხაროდ უნდა მოგახსენოთ, რომ აღნიშნული საკითხების მოკვლევისას გამოიკვეთა ხელისუფლების ზოგიერთი მაღალჩინოსნისა და საპატრიარქოს წარმომადგენლის არაკეთილსინდისერი ინტერესი საქართველოს საპატრიარქოს ქონებასთან დაკავშრებით, ასევე, იყო მუქარა ჩემს მიმართ, რაზეც პირადად მინდა გესაუბროთ, ხელთ მაქვს ძალიან ბევრი მასალა რაც ეკლესიის მიმართ ჩადენილ დანაშაულს გამოავლენს. თქვენო უწმინდესობავ, მაქვს თვენი პრინციპულობის იმედი, რომ აღნიშნული საკითხების ბუნდოვანება აღარ დააზარალებს ეკლესიის იმიჯს, დამლოცეთ,“ - წერს დეკანოზი გიორგი მამალაძე.